धान व साेनेचांदी व्यापाऱ्यावर गुन्हा दाखल

गडचिराेली : वैधमापन शास्त्र गडचिराेलीच्या पथकाने ग्रामीण भागातील धान व्यापारी व साेनेचांदी व्यापारी यांच्या वजनकाट्यांची तपासणी केली. प्रत्येक एका धान व साेनेचांदी व्यापाऱ्याने वजनकाट्याची पडताळणी व मूल्यांकन केले नसल्याचे आढळून आल्याने दाेघांविराेधात गुन्हा दाखल करण्यात आला आहे. वैधमापन शास्त्र विभागाने वजनकाट्यांची तपासणी माेहीम हाती घेतली आहे. या विभागाच्या पथकाने तालुक्यातील पाेर्ला, काटली येथील १० धान व्यापारी व साेनेचांदी व्यापारी यांच्या वजनकाट्यांची तपासणी केली. एका धान खरेदी व साेनेचांदी व्यापाऱ्याने वजनकाट्यांची पडताळणी व मूल्यांकन केले नसल्याचे आढळून आले. त्यांच्याविराेधात महाराष्ट्र वैधमापन शास्त्र अधिनियम २००९ अन्वये गुन्हा दाखल करण्यात आला आहे. ही कारवाई वैधमापन शास्त्र विभागाचे निरीक्षक रूपचंद फुलझेले यांच्या नेतृत्वातील पथकाने केली आहे.