आत्मसर्मपण योजनेस मुदतवाढ

नक्षलग्रस्त भागातील नक्षलवाद्यांच्या चळवळीस पायबंद घालण्याच्या उद्देशाने नक्षलवाद्यांकरिता आत्मसर्मपण योजना २९ ऑगस्ट २00५ रोजी सुरू केली होती.

गडचिरोली : नक्षलग्रस्त भागातील नक्षलवाद्यांच्या चळवळीस पायबंद घालण्याच्या उद्देशाने नक्षलवाद्यांकरिता आत्मसर्मपण योजना २९ ऑगस्ट २00५ रोजी सुरूकेली होती. या योजनेंतर्गत गडचिरोली जिल्ह्यातील ४२१ नक्षल्यांनी आत्मसर्मपण केले. ते आता मुख्य प्रवाहात येऊन सुखी, समाधानी व शांतीने जीवन जगत आहेत. या योजनेंतर्गत स्टेट झोनन कमिटीचा सदस्य ते दलम सदस्यांपर्यंतच्या नक्षल्यानी आत्मसर्मपण केले आहे. नक्षली चळवळीला पायबंद घालण्यासाठी आत्मसर्मपण योजना अत्यंत उपकारक ठरली आहे. या योजनेंतर्गत आत्मसर्मपण केलेल्या नक्षल्यास आर्थिक मदत व संरक्षण देण्यात येते. या योजनेचे सकारात्मक परिणाम दिसून आले आहेत. या योजनेची मुदत संपल्याने सदर योजनेला मुदतवाढ देण्याचा विचार शासनस्तरावर सुरूहोता. १२ मे रोजी शासन निर्णय घेऊन या योजनेला २८ ऑगस्ट २0१५ पर्यंत मुदतवाढ देण्यात आली आहे. आणखी काही नक्षली आत्मसर्मपण करण्याची शक्यता वर्तविली जात आहे. (नगर प्रतिनिधी)