यावेळी मेक इन इंडियापासून मेक इन गडचिरोलीपर्यंतचे स्वप्न दाखवणाऱ्यांनी एकतरी नावीन्यपूर्ण काम दाखवावे, असे आव्हान देत रेल्वे लाइनचे काम, मुद्रा लोन योजनाही अयशस्वी झाल्याचा आरोप करण्यात आला.
गडचिरोलीत शासकीय वैद्यकीय महाविद्यालयासाठी तत्कालीन पालकमंत्री विजय वडेट्टीवार यांनी जागा मिळवून देण्यासाठी प्रयत्न केले होते; पण आता हे काम थंडबस्त्यात आहे. यासाठी ४० टक्के निधी केंद्र सरकार, तर ६० टक्के राज्य सरकार देते; पण आकांक्षित जिल्हा या नात्याने हा संपूर्ण निधी केंद्र सरकारने द्यावा आणि त्यासाठी स्थानिक लोकप्रतिनिधींनी पुढाकार घ्यावा, अशी अपेक्षा डॉ. उसेंडी यांनी व्यक्त केली.
पत्रपरिषदेला जि.प. सदस्य ॲड. राम मेश्राम, काँग्रेसचे पांडुरंग घोटेकर, नगरसेवक आणि शहराध्यक्ष सतीश विधाते, प्रभाकर वासेकर, शिक्षक सेलचे डी.डी. सोनटक्के, किसान आघाडीचे वामनराव सावसाकडे आदी प्रामुख्याने उपस्थित होते.
(बॉक्स)
गटार लाइनच्या कामाची चौकशी करा
शहरात सुरू असलेले गटार लाइनचे काम निकृष्ट दर्जाचे आहे. या कामामुळे रस्ते खराब झाले असून, त्यांच्या दुरुस्तीकडे दुर्लक्ष केले जात आहे. गडचिरोली नगर परिषद सध्या भ्रष्टाचाराचा अड्डा झाली आहे. पैशासाठी भाजपच्या नगरसेवकांमध्ये गटबाजी सुरू आहे. गटार लाइनच्या कामाची चौकशी केल्याशिवाय त्या कामाचे पैसे नगर परिषदेने देऊ नयेत; अन्यथा काँग्रेसकडून आंदोलन केले जाईल, असा इशारा यावेळी देण्यात आला.