Car Fashion: कार चालवताना फॉलो करा 'या' ५ फॅशन टिप्स; दिसाल एकदम डॅशिंग!

Drive in Style: कार चालवताना केवळ कम्फर्ट महत्त्वाचा नसून तुमची स्टाईलही तितकीच महत्त्वाची आहे. सध्या कार आणि फॅशनचा एक नवाच ट्रेंड पाहायला मिळतोय.

कार चालवताना केवळ कम्फर्ट महत्त्वाचा नसून तुमची स्टाईलही तितकीच महत्त्वाची आहे. सध्या कार आणि फॅशनचा एक नवाच ट्रेंड पाहायला मिळतोय. त्यामुळे तुमची कार कोणतीही असो, खालील टिप्स फॉलो करून तुम्ही नक्कीच सर्वांचे लक्ष वेधून घेऊ शकता.

१) कम्फर्टेबल आणि स्टायलिश फूटवेअर

सध्या ड्रायव्हिंग करताना वापरल्या जाणाऱ्या फूटवेअरमध्ये मोठी क्रांती होत आहे. जड शूजऐवजी ड्रायव्हिंग लोकर्स किंवा स्लिप-ऑन स्नीकर्स अधिक लोकप्रिय होत आहेत. हे केवळ तुम्हाला स्टायलिश लूक देत नाहीत, तर पेडलवर नियंत्रण मिळवण्यासाठीही सोयीस्कर ठरतात.

२) कार इंटीरियरशी मॅचिंग आउटफिट्स

लक्झरी कार सेगमेंटमध्ये आता एक नवीन ट्रेंड पाहायला मिळतोय, तो म्हणजे कारच्या सीट कव्हर्स किंवा इंटीरियरच्या रंगाशी सुसंगत कपडे परिधान करणे. उदाहरणार्थ, जर कारचे इंटीरियर टेन लेदर असेल, तर त्याच शेडचे जॅकेट किंवा हँडबॅग वापरण्याकडे तरुणाईचा कल वाढला आहे.

३) सनग्लासेस: फॅशन आणि गरज

कार चालवताना योग्य सनग्लासेस निवडणे ही आता केवळ फॅशन राहिलेली नाही. 'पोलराईज्ड लेन्सेस' असणारे एव्हिएटर्स किंवा वेफेअरर्स सध्या ट्रेडिंगमध्ये आहेत. हे डोळ्यांचे सूर्याच्या प्रखर किरणांपासून रक्षण करतात आणि तुम्हाला एक क्लासी लूक देतात.

४) स्मार्टवॉच आणि ॲक्सेसरीज

कारच्या डॅशबोर्डवरील आधुनिक तंत्रज्ञानाशी जुळणारे 'स्मार्ट गॅजेट्स' ही सुद्धा फॅशनचा भाग बनली आहेत. लेदर स्ट्रॅप असलेली स्मार्टवॉचेस किंवा स्टिअरिंग व्हील कव्हरशी मॅच होणारे रिस्ट बँड्स सध्या चर्चेत आहेत.

५) सस्टेनेबल फॅशन आणि ईव्ही 

इलेक्ट्रिक गाड्यांच्या वाढत्या वापरासोबतच 'इको-फ्रेंडली' किंवा सस्टेनेबल फॅशनला महत्त्व प्राप्त झाले आहे. सेंद्रिय कापडापासून बनवलेले हलके कपडे लांबच्या प्रवासासाठी सर्वोत्तम मानले जात आहेत, जे प्रवासादरम्यान तुम्हाला फ्रेश ठेवतात.