एस.टी.त १५ टक्के उपस्थितीची काटेकोरपणे अंमलबजावणी

कोरोनाची दुसरी लाट अतिशय भयंकर आहे. यात मृत्यूचे प्रमाणही जास्त आहे. संसर्गाचा प्रादुर्भाव झपाट्याने वाढत असून यावर नियंत्रण यावे यासाठी राज्य शासनाने लॅाकडाऊन जाहीर केलेला आहे. कार्यालयांमध्येही गर्दी होऊ नये यासाठी सर्व व्यवस्थापनांना १५ टक्के कर्मचारी उपस्थितीचे आदेश देण्यात आलेले आहेत. त्यामुळे इतर शासकीय कार्यालयांप्रमाणे धुळे जिल्ह्यातील सर्वच आगारांमध्ये त्याची अंमलबजावणी केली जात आहे.

सध्या एस.टी.ची सेवा मर्यादित सुरू आहे. अत्यावश्यक सेवेसाठीच एस.टी.चा वापर केला जात आहे. त्यामुळे चालक-वाहकांना रोटेशननुसार, ज्यांची ड्युटी असेल त्यांनाच कामावर बोलविण्यात येत आहे, तर इतर कर्मचाऱ्यांचीही १५ टक्के उपस्थिती आहे.

बसस्थानकात अथवा कार्यालयात गर्दी होऊ नये म्हणून केवळ १५टक्के कर्मचाऱ्यांचीच उपस्थिती असते. शासन निर्णयाची अंमलबजावणी होते.

चालक-वाहकांना रोटेशनने ड्युटी

सध्या अत्यावश्यक कर्मचाऱ्यांसाठीच बसेस सोडण्यात येत आहेत. त्यामुळे रोटेशननुसार ज्या चालक-वाहकांची ड्युटी आहे, त्यांनाच कामावर बोलविण्यात येत असते. इतर विभागातही १५ टक्केच उपस्थिती आहे.

- राजू भावसार

कर्मचारी

कोरोनाचा प्रादुर्भाव रोखण्यासाठी तसेच गर्दी होऊ नये म्हणून कार्यालयात १५ टक्के कर्मचाऱ्यांच्या उपस्थितीचे शासनाचे आदेश असून, त्याची काटेकोरपणे अंमलबजावणी केली जात आहे.

- मनीषा सपकाळ,

विभाग नियंत्रक, धुळे विभाग.