गुऱ्हाळपाणी ग्रामपंचायत अंतर्गत प्रधानदेवी पाड्यावर बुधवारी कोरोनाबाबत जनजागृती करण्यात आली. गावात ग्रामपंचायतमार्फत फवारणी करण्यात आली. तसेच गावातील सर्व नागरिकांना कोरोना अॅन्टिजेन टेस्ट करण्याचे आवाहन करण्यात येऊन गावातच तपासणी शिबिर आयोजित करण्यात आले होते. या शिबिरात नागरिक मोठ्या संख्येने सहभागी झाले होते. सदर आरोग्य तपासणी शिबिरात नागरिकांमध्ये जनजागृती करण्यात आली.
सदर तपासणी शिबिरात वकवाड प्राथमिक आरोग्य केंद्राचे वैद्यकीय अधिकारी डॉ. चंदन पवार, एमपीडब्ल्यू पवार, एएनएम बी.एस. पावरा, ग्रामसेवक डी.बी.तिरमले, तलाठी एस.टी. कोकणी, पोलीस पाटील सरकार पावरा, अंगणवाडी सेविका सुडीबाई पावरा, आशा फुगरीबाई पावरा, सांगवी पोलीस स्टेशनचे कर्मचारी उपस्थित होते.
गटविकास अधिकारी वाय़.डी़ शिंदे यांनी तालुका वैद्यकीय अधिकारी व आरोग्य कर्मचारी यांच्याशी संपर्क साधून प्रधानदेवी पाड्यावर जाऊन तपासणी करून अहवाल सादर करण्याचे आदेश दिले होते़ त्याप्रमाणे शासकीय अधिकारी कर्मचाऱ्यांनी प्रधानदेवी पाड्यावर जाऊन तपासणी केली़ पाड्यावरील एका मयताच्या कुटुंबातील १७ लोकाची ॲन्टिजेन रॅपिड स्टेस्ट केली असता सर्व निगेटिव्ह आढळून आले़ आक्सिमीटर व थर्मल गनने ४५ महिला व ४९ पुरुषांची तपासणी करण्यात आली़ त्यापैकी कोणतीही व्यक्ती कोरोना बाधित आढळून आली नाही
गेल्या आठवड्यात या पाड्यावर एका वृध्द इसमाचा कोरोना सदृश आजाराने मृत्यू झाला होता़ मात्र आरोग्य पथकाने त्यांच्या घरासह गावातील लोकांची चाचणी केली असता एकही जण पॉझिटिव्ह आढळून आले नाहीत़ त्यामुळे त्या वृध्दाचा मृत्यू नैसर्गिक झाल्याचे सांगण्यात आले़