तरुणाने मालकाकडे मागितला दोन महिन्यांचा पगार, बेदम मारहाण करून हत्या
By ऑनलाइन लोकमत | Published: May 8, 2020 06:03 PM2020-05-08T18:03:31+5:302020-05-08T18:08:26+5:30
एनईबी पोलिसांनी मेडिकल बोर्डाकडून मृत शिवचरण यांचे पोस्टमॉर्टम करून मृतदेह नातेवाईक ताब्यात दिला आहे.
![The young man demanded two months' salary from the owner, beating him to death pda | तरुणाने मालकाकडे मागितला दोन महिन्यांचा पगार, बेदम मारहाण करून हत्या The young man demanded two months' salary from the owner, beating him to death pda | तरुणाने मालकाकडे मागितला दोन महिन्यांचा पगार, बेदम मारहाण करून हत्या](https://d3pc1xvrcw35tl.cloudfront.net/images/840x630/whatsapp-image-2020-05-08-at-3.39.57-pm_202005417025.jpeg)
तरुणाने मालकाकडे मागितला दोन महिन्यांचा पगार, बेदम मारहाण करून हत्या
राजस्थानमधील अलवर शहरातून हृदयद्रावक प्रकार उघडकीस आला आहे. या ठिकाणी ट्रान्सपोर्ट नगरमध्ये फायनान्स रिकव्हरी एजंट म्हणून काम करणाऱ्या एका युवकाने कंपनीच्या मालकाला दोन महिन्यांच्या पगाराबद्दल विचारणा केली असता मारहाण केली गेली. एनईबी पोलिसांनी मेडिकल बोर्डाकडून मृत शिवचरण यांचे पोस्टमॉर्टम करून मृतदेह नातेवाईक ताब्यात दिला आहे.
फायनान्स कंपनीचे संचालक रवी चौधरी यांच्यासह १२ लोकांविरोधात हत्येप्रकरणी गुन्हा दाखल करण्यात आला असून चौकशी सुरू केली आहे. शिवचरण असे मृताचे नाव सांगितले जात आहे. शिवचरणची आई राधा यांनी सांगितले की, तिचा मुलगा शिवचरण एका फायनान्स कंपनीत रिकव्हरी फायनान्स एजंट म्हणून काम करायचा. या कंपनीचे संचालक रवी चौधरी असून त्यांचे कार्यालय एनईबी पोलीस स्टेशन परिसरातील ट्रान्सपोर्ट नगर येथे आहे.
मिळालेल्या माहितीनुसार, शिवचरण अनेक वर्षांपासून रवी चौधरी यांच्यासोबत काम करत होता. बुधवारी दुपारी रवीने शिवचरणला लॉकडाऊन शिथिल केल्यानंतर काम करण्यासाठी बोलावले. कामाच्या वेळी शिवचरणने लॉकडाऊनदरम्यान 2 महिन्यांचा पगार मागितला पण रवी चौधरी यांनी त्यांना पैसे देण्यास नकार दिला.
धक्कादायक! हैदराबादमध्ये रिक्षाचालकाने केला १६ वर्षाच्या मुलीवर बलात्कार
५ लाखाची दारू, २ किलो गांजा जप्त, लॉकडाऊनमध्ये सुरु असलेल्या अवैध धंद्यांवर कारवाई
Coronavirus : ना लष्कर बोलावणार, ना जीवनावश्यक वस्तूंची दुकानं बंद करणार; मुंबई पोलिसांकडून मोठा खुलासा
यानंतर पगाराची रक्कम न दिल्यास शिवचरण यांनी निषेध नोंदविला आणि पोलिसांत तक्रार करण्याची धमकी दिली. याचा राग पाहून रवि आणि त्याच्या 8 ते 10 लोकांनी शिवचरणला कारमध्ये पकडून टाकले आणि त्यांना वाहनांनी बंदिस्त चौकात नेले. तेथे त्यांनी शिवचरणला बेदम मारहाण केली. काल रात्री 11 वाजता ही घटना घडली. यानंतर कंपनीच्या ऑपरेटरने रात्री उशिरा कुटुंबातील सदस्यांना बोलावून शिवचरणची प्रकृती खराब असल्याचे सांगितले. त्यानंतर नातेवाईक रुग्णालयात पोहोचले तोपर्यंत शिवचरण यांचा मृत्यू झाला होता. या प्रकरणात रवी चौधरी यांचे इतर दोन भाऊ देवेंद्र चौधरी, मुकेश चौधरी आणि बंटी सरदार यांच्यासह अनेक लोकांचा सहभाग असल्याचा आरोप मृताच्या आई आणि कुटुंबीयांनी केला आहे.
पोलीस उपअधीक्षक नरेश शर्मा म्हणाले की, राधा यांच्या तक्रारीवरून 302 अंतर्गत गुन्हा दाखल करण्यात आला आहे. मृतकाच्या आईने देवेंद्र चौधरी, रवी चौधरी, मुकेश चौधरी, बंटी यांच्यासह अनेक जणांवर गुन्हा दाखल केला आहे. ते पुढे म्हणाले की, प्राथमिक तपासणी दरम्यान प्राणघातक हल्ला झाल्यानंतर त्याचा मृत्यू झाल्याचे उघड झाले आहे आणि आरोपींना अटक करण्यासाठी प्रयत्न सुरू आहेत. मेडिकल बोर्डाकडून पोस्टमॉर्टम झाल्यानंतर मृतदेह नातेवाईकांच्या ताब्यात देण्यात येत असल्याचे पोलिसांनी सांगितले.