Student hacks coffee shop server to party with girlfriend | मैत्रीणीसोबत पार्टी करण्यासाठी विद्यार्थ्याने केले कॉफी शॉपचे सर्व्हर हॅक 

मैत्रीणीसोबत पार्टी करण्यासाठी विद्यार्थ्याने केले कॉफी शॉपचे सर्व्हर हॅक 

ठळक मुद्देतांत्रिक पुराव्याच्या आधारे पथक या विद्यार्थ्याला ताब्यात घेत चौकशी सुरु केली आहे. याप्रकरणी गुन्हा नोंद करत सायबर पोलिसांनी तपास सुरु केला. 

मुंबई : मैत्रीणीसोबत मौजमजा, पार्टी करण्यासाठी १७ वर्षीय सीएचा अभ्यास करणाऱ्या विद्यार्थ्याने कॉफी शॉपचे सर्व्हर हॅक केल्याचा धक्कादायक प्रकार सायबर पोलिसांच्या चौकशीत समोर आला आहे. याप्रकरणी विद्यार्थ्याला बाल न्यायालयाने दोषी ठरविले आहे. 

सायबर पोलिसांनी दिलेल्या माहितीनुसार, तक्रारदार अंकित सिंघवी यांच्या कॉफी शॉपच्या गिफ्टकार्ड जमा असलेली रक्कम दुसऱ्या खात्यात जमा झाल्याचे समजताच त्यांनी सायबर पोलिसांत धाव घेतली. त्यानुसार सायबर पोलिसांनी २८ सप्टेबर रोजी गुन्हा नोंद करत तपास सुरु केला. चौकशीत अंकित यांच्यासह देशभरातील अन्य राज्यातील ग्राहकांच्या खात्यातूनही अशाप्रकारे पैसे ट्रान्सफर झाल्याचे समोर आले. याप्रकरणी गुन्हा नोंद करत सायबर पोलिसांनी तपास सुरु केला. 

तांत्रिक पुराव्याच्या आधारे पथक या विद्यार्थ्याला ताब्यात घेत चौकशी सुरु केली आहे. मित्र मैत्रीणीसोबत मौजमजा तसेच पार्टी करण्यासाठी हा प्रताप केल्याचे सांगितले. स्वतःची ओळख लपवून इंटरनेटचा वापर केला. तसेच बनावट सीमकार्डचाही आधार घेण्यात आला होता. यूट्यूबवरून त्याने याचे प्रशिक्षण घेतले. याबाबत आरोप पत्र बाल न्यायालयात सादर केले. न्यायालयाने त्याला दोषी ठरवत, १ वर्षाचे चांगल्या वर्तवणुकीच्या १५ हजार रूपयांचे बंधपत्रावर तसेच २ वर्ष संस्थेच्या अधिपत्याखाली समुपदेशन करण्याचे आदेश दिले आहेत.

पालकांनो काळजी घ्या...

 पालकांनी आपला पाल्य फोन, लॅपटॉपवर क़ाय करत आहेत? सोशल मिडियावर ते क़ाय पाहतात? ते सोशल मिडियावर कुणाच्या संपर्कात आहे का? यावर लक्ष ठेवण्याचे आवाहन सायबर पोलिसांकड़ून करण्यात येत आहे.

Web Title: Student hacks coffee shop server to party with girlfriend

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.