हत्येनंतर मृतदेह पाण्यानं स्वच्छ धुतला अन् त्यानंतर...; थरकाप उडवणारी घटना समोर, नरभक्षकाला अटक

हत्येतील मृत व्यक्तीची ओळख अद्याप पटली नाही. मृत व्यक्ती स्मशान भूमीजवळ एका झोपडीत राहत होता

कूचबिहार - उत्तर प्रदेशच्या निठारी कांडसारखेच माणुसकीला काळिमा फासणारी आणखी एक घटना समोर आली आहे. पश्चिम बंगालच्या कूचबिहार जिल्ह्यात दिवसाढवळ्या एका व्यक्तीची हत्या करण्यात आली. मानवी मांस खाण्याच्या हेतूने ही हत्या केल्याचं समोर आले. या घटनेने सपूर्ण परिसरात दहशत पसरली आहे.

माहितीनुसार, हत्येतील मृत व्यक्तीची ओळख अद्याप पटली नाही. मृत व्यक्ती स्मशान भूमीजवळ एका झोपडीत राहत होता. त्याचा मृतदेह एका जलाशयाजवळ सापडला होता. जेव्हा या घटनेचा तपास पोलिसांनी सुरू केला. तेव्हा त्यांच्यासमोर थरकाप उडवणारं सत्य समोर आले. एका अज्ञात युवकाने ही हत्या गळा कापून निर्दयीपणे केली होती. तपासानंतर पोलिसांनी या आरोपीला अटक केली. 

हा आरोपी नशेच्या अवस्थेत सापडला होता. त्याचे नाव फिर्दोस आलम असं आहे. हत्येनंतर आरोपीने मृतदेह पाण्याजवळ नेला आणि तो स्वच्छ केला त्यानंतर तो लपवण्यात आला. पोलीस तपासात या आरोपीचा हेतू मृतदेहाचा काही भाग खाण्याचा होता. चौकशीत आरोपीने त्याचा गुन्हा कबूल केला. हे प्रकरण अत्यंत गंभीर आहे असं पोलीस अधिकारी धीमन मित्रा यांनी सांगितले. प्राथमिक तपासात हा आरोपी हत्येनंतर मृतदेहाचे मांस खाणार होता. नरभक्षक असलेल्या या आरोपीचे कृत्य समोर आल्यानंतर पोलीसही हादरले.

दरम्यान, तपासावेळी पोलिसांना मिळालेल्या माहितीनंतर त्यांनी आरोपीला अटक केली. सध्या पोलीस या प्रकरणाचा तपास करत आहेत. जसजसा हा तपास पुढे जाईल तसे यातील आणखी माहिती समोर येईल असं पोलिसांनी सांगितले आहे.