IPL 2026, Sunrisers Hyderabad Won Ny 47 Runs vs Delhi Capitals अभिषेक शर्माच्या विक्रमी शतकी खेळीनंतर एशान मलिंगा आणि हर्ष दुबे यांनी अचूक टप्प्यावर केलेल्या गोलंदाजीच्या जोरावर सनरायझर्स हैदराबादच्या संघाने घरच्या मैदानात दिल्ली कॅपिटल्सला ४७ धावांनी पराभूत केले. ऑरेंज आर्मीनं सेट केलेल्या २४३ धावांचा पाठलाग करताना दिल्ली कॅपिटल्सकडून नितीश राणाच्या अर्धशतकाशिवाय समीर रिझवी वगळता कोणत्याही फलंदाजाला मोठी खेळी करता आली नाही. परिणामी अक्षर पटेलच्या नेतृत्वाखालील संघ निर्धारित २० षटकांत ९ बाद १९५ धावांपर्यंतच मजल मारू शकला. यंदाच्या हंगामातील सातव्या सामन्यातील चौथ्या विजयासह सनरायझर्स हैदराबादचा संघ गुणतालिकेत तिसऱ्या स्थानावर पोहचला असून दिल्ली कॅपिटल्स संघ सहा सामन्यातील चार विजयासह ८ गुण खात्यात जमा करत पाचव्या स्थानावर आहे.
'लोकमत'चं WhatsApp चॅनल फॉलो करा!
अभिषेक शर्मानं केली दिल्लीच्या गोलंदाजांची धुलाई, फक्त अक्षरला मिळाली एकमेव विकेट
पहिल्यांदा फलंदाजी करताना हैदराबादच्या मैदानात अभिषेक शर्मा नावाचं वादळ घोंगावलं. या पठ्ठ्यानं दिल्लीकरांची धुलाई करताना १० चौकार आणि १० षटकाराच्या मदतीने ६८ चेंडूत १३५ धावांची खेळी केल्या. ट्रॅविस हेटनं २६ चेंडूत ३७ धावा केल्या. अक्षर पटेल याने त्याची विकेट घेतली. हैदराबादचा कर्णधार ईशान किशन १३ चेंडूत २५ धावा करून धावबाद झाल्यावर हेन्री क्लासेन याने १३ चेंडूत ३ षटकार आणि ३ चौकाराच्या मदतीने नाबाद ३७ धावांचे योदान देत संघाच्या धावफलकावर २ बाद २४२ धावा लावल्या होत्या.
अभिषेक शर्मा ठरला जगात भारी! टी-२० क्रिकेटमध्ये अशी कामगिरी करणारा तो पहिलाच
सनरायझर्स हैदराबादच्या संघाने दिलेल्या या धावांचा पाठलाग करताना दिल्ली कॅपिटल्सनं अवघ्या २१ धावांवर पहिली विकेट गमावली. पथुमन निसंका ८ धावा करून माघारी फिरला. मदुशंकाने त्याची विकेट घेतली. केएल राहुल आणि नितीश राणा जोडीनं दुसऱ्या विकेटसाठी अर्धशतकी भागीदारी करत संघाचा डाव सावरला. पण साकीब हुसेन याच्या गोलंदाजीवर अभिषेक शर्मानं केएल राहुलचा अप्रतिम झेल टिपत संघाला महत्त्वपू्ण विकेट मिळवून दिली. लोकेश राहुल ३७ धावांवर बाद झाला. त्यानंतर नितीश राणाने ३० चेंडूत ५७ धावांची खेळी केली. समीर रिझवीने २८ चेंडूत केलेल्या ४१ धावा आणि लोअर मिडल ऑर्डरमध्ये ट्रिस्टन स्टब्सने २७ (१६) आणि आशुतोष शर्मा १४ (१०) याशिवाय कोणत्याही फंलदाजाला द्विशतकी आकडा गाठता आला नाही. परिणामी दिल्ली कॅपिटल्सचा संघ निर्धारित २० षटकात १९५ धावांवरच अडखळला. सनरायझर्स हैदराबादच्या संघाकडू गोलंदाजीत एशान मलिंगा याने सर्वाधिक ४ तर हर्ष दुबेनं ३ विकेट्स आपल्या खात्यात जमा केल्या. मदुशंका आणि साकिब हुसेन यांनी प्रत्येकी १-१ विकेट आपल्या खात्यात जमा केली.
