वर्चस्वावरून गुंडांच्या दोन गटात वाद, लुटमार, तोडफोडीमुळे पाचपावलीत दहशतीचे वातावरण

By ऑनलाइन लोकमत | Published: June 22, 2020 07:27 PM2020-06-22T19:27:43+5:302020-06-22T19:34:23+5:30

रविवारी मध्यरात्रीपासून सुरू झालेल्या या घटनाक्रमामुळे पाचपावलीच्या लष्करीबाग परिसरात प्रचंड तणाव आणि संतापाचे वातावरण निर्माण झाले आहे.

Conflict, looting, vandalism between two groups of goons | वर्चस्वावरून गुंडांच्या दोन गटात वाद, लुटमार, तोडफोडीमुळे पाचपावलीत दहशतीचे वातावरण — वर्चस्वावरून गुंडांच्या दोन गटात वाद, लुटमार, तोडफोडीमुळे पाचपावलीत दहशतीचे वातावरण

ठळक मुद्देलष्करीबागेतील कुराडकरपेठ भागात गुंडांच्या दोन टोळ्यांमध्ये गेल्या अनेक दिवसांपासून वर्चस्वाचा वाद सुरू आहे.या घटनाक्रमामुळे कुराडकरपेठेत प्रचंड तणाव निर्माण झाला. माहिती कळाल्यानंतर पाचपावली आणि आजूबाजूच्या पोलीस ठाण्यातील ताफा तिकडे धावला.

नागपूर - गुंडाच्या दोन टोळ्यातील वर्चस्वाच्या वादातून एका टोळीने प्रतिस्पर्धी गुंडाच्या घरावर हल्ला करून त्याला मारहाण केली. रक्कम लुटली आणि परिसरात वाहनांची तोडफोड करत प्रचंड दहशत निर्माण केली. रविवारी मध्यरात्रीपासून सुरू झालेल्या या घटनाक्रमामुळे पाचपावलीच्या लष्करीबाग परिसरात प्रचंड तणाव आणि संतापाचे वातावरण निर्माण झाले आहे.

लष्करीबागेतील कुराडकरपेठ भागात गुंडांच्या दोन टोळ्यांमध्ये गेल्या अनेक दिवसांपासून वर्चस्वाचा वाद सुरू आहे. एकमेकांवर हल्ले करणे, मारहाण करणे असे प्रकारही घडतात. या पार्श्वभूमीवर, रविवारी मध्यरात्री सौरभ वासनिक आणि त्याच्या टोळीतील १५ ते २० गुंडांनी तलवार, चाकू, लोखंडी पाईप, काठ्या घेऊन मनोज वासनिकच्या घरावर हल्ला केला. त्याच्या दरवाजाला तलवारीने छिद्र पाडून तोडले. नंतर त्याला बेदम मारहाण केली. त्याच्या जवळचे अडीच हजार रुपये लुटले. त्यानंतर परिसरात आरडाओरड करत या गुंडांनी हैदोस घातला. त्यांनी वाहनांची तोडफोड सुरू केली. रस्त्यात दिसेल त्याला मारहाण करून ते धमकावत होते.

या घटनाक्रमामुळे कुराडकरपेठेत प्रचंड तणाव निर्माण झाला. माहिती कळाल्यानंतर पाचपावली आणि आजूबाजूच्या पोलीस ठाण्यातील ताफा तिकडे धावला. तोपर्यंत आरोपी पळून गेले होते. पोलिसांनी रात्रभर धावपळ करून सोमवारी दुपारी सौरभ वासनिकसह पाच गुंडांना ताब्यात घेतले. वृत्त लिहिस्तोवर त्यांची चौकशी सुरू होती. या घटनेमुळे सोमवारी सकाळपासून लष्करीबाग परिसरात प्रचंड तणावाचे वातावरण आहे.

अन्य महत्वाच्या बातम्या...