छत्रपती संभाजीनगर: शहरातील जटवाडा परिसरात शनिवारी सायंकाळी ६ वाजेच्या सुमारास विजेच्या तारांचा स्पर्श झाल्याने चारा वाहून नेणाऱ्या एका ट्रकने (क्र. एमएच ०४ सीए ४७२७) अचानक पेट घेतला. चाऱ्याने क्षणात पेट घेतल्याने परिसरात एकच खळबळ उडाली होती. मात्र, ट्रकचालकाने वेळीच प्रसंगावधान राखत जळणारा चारा ट्रकपासून वेगळा केला आणि ट्रक वस्तीपासून दूर मोकळ्या मैदानात नेऊन उभा केला, ज्यामुळे मोठा अनर्थ टळला.
ओव्हरलोड चारा ठरला आगीचे कारणमिळालेल्या माहितीनुसार, चालकाने मोंढ्यातून ट्रकमध्ये चारा भरला होता. हा चारा जटवाड्यातील हरणे नामक शेतकऱ्याकडे पोहोचवायचा होता. ट्रकमध्ये चारा प्रमाणापेक्षा जास्त भरलेला असल्याने जटवाडा रस्त्यावरील एचपी पंपासमोर ट्रक आल्यावर वरून गेलेल्या उच्च दाबाच्या विजेच्या तारांना चाऱ्याचा स्पर्श झाला. यामुळे चाऱ्याने अचानक पेट घेतला. रस्त्यावरील नागरिकांच्या लक्षात ही बाब येताच मोठा गोंधळ उडाला.
अग्निशमन दलाची तत्परताघटनेची माहिती मिळताच अग्निशमन विभागाचे ड्युटी अधिकारी आर. आर. सोनवणे, जवान समीर शेख, रवी हरणे, रामेश्वर बमणे आणि शंकर दुधे यांनी तातडीने बंबासह घटनास्थळी धाव घेतली. जवानांनी शर्थीचे प्रयत्न करून काही वेळातच आगीवर नियंत्रण मिळवले. ट्रकचालकाच्या सतर्कतेमुळे ट्रकचे मोठे नुकसान टळले असून कोणतीही जीवितहानी झाली नाही.
Web Summary : A truck carrying fodder caught fire in Jatwada, Sambhajinagar, due to contact with overhead power lines. The quick-thinking driver detached the burning fodder and moved the truck to an open area, preventing a major disaster. Firefighters quickly extinguished the blaze, averting significant damage and casualties.
Web Summary : छत्रपति संभाजीनगर के जटवाड़ा में बिजली के तारों से संपर्क के कारण चारे से भरे ट्रक में आग लग गई। चालक ने तुरंत जलते हुए चारे को अलग किया और ट्रक को खुले मैदान में ले गया, जिससे बड़ा हादसा टल गया। दमकल कर्मियों ने आग पर काबू पाया।