स्वादिष्ट! पंजाबची फिरनी ते ओडिशाची खीर; जगातील सर्वोत्कृष्ट पदार्थांमध्ये 'या' ६ भारतीय पदार्थांची बाजी

1 / 9

भारतात आपल्याला विविध प्रकारची खाद्यसंस्कृती पाहायला मिळते. गोड पदार्थांच्या, विशेषतः तांदळापासून बनवल्या जाणाऱ्या खिरीच्या विविध प्रकारांनी आता जागतिक स्तरावर मोठं यश मिळवलं आहे.

2 / 9

'टेस्टअॅटलस' (TasteAtlas) या प्रसिद्ध खाद्यसंस्थेने जगातील ३२ सर्वोत्तम तांदळाच्या गोड पदार्थांची (Rice Puddings) यादी प्रसिद्ध केली आहे. विशेष म्हणजे, भारतीयांच्या आवडीच्या ६ गोड पदार्थांनी या जागतिक यादीत मानाचं स्थान पटकावलं आहे.

3 / 9

कमी आचेवर शिजवलेली, मऊशार आणि मातीच्या भांड्यात थंडगार वाढली जाणारी 'फिरनी' हा केवळ एक गोड पदार्थ आहे. तांदूळ, दूध, केशर आणि सुका मेवा वापरून तयार केली जाणारी फिरनी उत्तर भारतात सणासुदीला प्रामुख्याने बनवली जाते.

4 / 9

भारतातील सर्वात प्राचीन गोड पदार्थांपैकी एक असलेल्या 'खिरी'चा उल्लेख अगदी प्राचीन ग्रंथांमध्येही आढळतो. मंदिरांमधील नैवेद्यापासून ते कौटुंबिक मेजवानीपर्यंत, तांदूळ, दूध आणि साखरेचं हे साधं मिश्रण आपल्या प्रत्येक घासासोबत शतकानुशतकांची परंपरा जपत आलं आहे.

5 / 9

उत्सवातील हा एक लोकप्रिय पदार्थ असून तो तांदूळ, मुगाची डाळ, गूळ आणि तूप वापरून तयार केला जातो. प्रामुख्याने 'पोंगल' सणादरम्यान बनवला जाणारा हा पदार्थ सूर्यदेवाला अर्पण केला जातो.

6 / 9

अत्यंत साधा पण मनाला तृप्त करणारा हा 'कम्फर्ट फूड' प्रकार दक्षिण भारतातील घराघरांमध्ये रुजलेला आहे. तांदूळ आणि डाळींपासून बनवलेला हा पदार्थ मऊ आणि पेजेसारखा असतो, ज्यामुळे तो पौष्टिक असण्यासोबतच पचायलाही हलका असतो.

7 / 9

खिरीला दिलेला एक राजेशाही तडका म्हणजे 'दूधपाक'. दूध, तांदूळ, साखर आणि वेलची, केशर व जायफळ यांसारख्या मिश्रणाने हा पदार्थ मंद आचेवर शिजवून तयार केला जातो. सणासुदीच्या जेवणात दूधपाक अनेकदा गरमागरम पुऱ्यांसोबत खाल्ला जातो.

8 / 9

तांदळाचा हा एक खमंग आणि मसालेदार प्रकार असून त्याला तूप, काळीमिरी आणि काजूची फोडणी दिली जाते. संपूर्ण दक्षिण भारतात नाश्त्यासाठी अत्यंत लोकप्रिय असलेला हा पदार्थ साधा, मनाला शांती देणारा आणि कमालीची तृप्ती देणारा आहे.

9 / 9

सणासुदीच्या मेजवानीपासून ते रोजच्या साध्या जेवणापर्यंत, भारतातील 'राईस पुडिंग्स' (तांदळाचे गोड पदार्थ) आपली संस्कृती, आठवणी आणि घरच्या ओढीची हृदयस्पर्शी गोष्ट सांगतात आणि आता संपूर्ण जग याचा गोडवा चाखत आहे.