युवकांना ग्रामगीता भेट : कालभैरव मंदिराचे लोकार्पण
सावली : उमरी (हरांबा) येथे कालभैरव जयंती व राष्ट्रसंत तुकडोजी महाराज पुण्यतिथी कार्यक्रम घेण्यात आला. यावेळी राष्ट्रसंतांच्या विचारापासून प्रेरणा घेऊन श्रमदान व विविध कार्यक्रम झाले. युवकांना ग्रामगीता भेट देण्यात आली.
कार्यक्रमाचे उद्घाटन ग्रामगीताचार्य बंडोपंत बोढेकर यांनी केले. अध्यक्षस्थानी श्री गुरूदेव सेवा मंडळाचे गडचिरोली जिल्हा सेवाधिकारी डॉ. शिवनाथ कुंभारे, प्रचारक सुखदेव वेठे, जेंगठे, आत्माराम मंगर उपस्थित होते. बोढेकर म्हणाले, गावाची सेवा निरपेक्ष भावनेने करावी. ग्रामजीवनातील उदासिनता दूर करण्यासाठी ग्रामगीतेतील विचारांचा अवलंब करावा. डॉ. कुंभारे यांनीही विचार व्यक्त केले. तीन दिवस चालेल्या ध्यानपाठप्रसंगी गणुजी चुधरी, संजय मेश्राम, सुभाष गुरूनुले यांनीही मार्गदर्शन केले. कालभैरव मुर्तीची प्रतिष्ठास्थापना अमोल महाराज आमगावकर यांच्या हस्ते करण्यात आले. प्रदीप चौधरी यांनी कीर्तन सादर केले. कालभैरव मंदिराचे लोकार्पण जि. प. सदस्य संतोष तांगडपल्लीवार यांचे हस्ते झाले. अध्यक्षस्थानी माजी पं. स. सभापती देवराव मुद्दमवार तर प्रमुख पाहुणे पं. स. उपसभापती रविंद्र बोलीवार, गणपत कोठारे, ओमदेव मंगर, रमाकांत डोईजड, हर्षकुमार डोईजड, मोहन कुनघाडकर, पोलीस पाटील श्रीकृष्ण भुरसे उपस्थित होते. मंदिराचे बांधकाम गुरूदेव आरेकर यांनी केले. कार्यक्रमाला युवकांनी सहकार्य केले. प्रास्तविक विठ्ठल चुधरी व संचालन संजीव मेश्राम यांनी केले.