लोकमत न्यूज नेटवर्कवरोरा : दुचाकी वाहनास ट्रकची समोरासमोर धडक बसल्याने झालेल्या अपघातात दुचाकी वाहनावरील दोन युवक जागीच ठार झाले. ही घटना वरोरा-चिमूर मार्गावरील सालोरी गावशिवारात सायंकाळी पाच वाजताच्या सुमारास घडली.सुमेध एकनाथ जांभुळे व मंगेश उत्तम ठाकरे (२०) रा. दोघेही शेगाव असे मृत युवकांची नावे आहेत. ते दोघेही एमएच- ३४ बीसी ४६७३ या क्रमांकाच्या दुचाकीने जात असताना एमएच- ३४ एबी ६८४४ या क्रमांकाचा ट्रक उमरेडवरुन वरोराकडे येत होता. दुचाकी वरोरा येथून शेगावकडे जात असताना ट्रकची समोरुन धडक बसली. यात सुमेध जांभुळे व मंगेश ठाकरे हे दोघेही जागीच ठार झाले. सालोरी गावाच्या वळणावर ट्रक असंतुलीत झाल्याने अपघात घडल्याची माहिती आहे. घटनेनंतर ट्रक चालक फरार झाला. घटनेची माहिती मिळताच शेगाव पोलीस घटनास्थळी पोहोचले.
{{#config.logo.enabled}}
{{/allowed}}