या समस्येकडे स्थानिक प्रशासनाचे व सार्वजनिक बांधकाम विभागाचे दुर्लक्ष होत आहे. त्यामुळे आंबोली ग्रामपंचायतचे सदस्य व सम्यक विद्यार्थी आंदोलनाचे चिमूर तालुका अध्यक्ष शुभम मंडपे यांनी पारडपार-खापरी मार्गाची त्वरित दुरुस्ती करावी, अशी मागणी केली आहे व जिल्हा परिषद बांधकाम उपविभागाला निवेदन देऊन रास्ता रोको आंदोलनाचा इशाराही दिला आहे.
या रस्त्यामुळे शेतकऱ्यांना व शेतमजुरांना मोठा त्रास सहन करावा लागत आहे. रास्त्यावरील खड्डे अपघाताला आमंत्रण देत आहेत. या रस्त्याने पारडपार येथील शेतकरी व शेतमजूर जाणे-येणे करीत असतात व हा मार्ग पारडपारवरून जांभुळघाट व खापरीवरून चिमूरला जाणारा मुख्य मार्ग आहे. निवेदन देताना सरपंच संघाचे चिमूर तालुका अध्यक्ष व उपसरपंच वैभव ठाकरे, सम्यकचे पदाधिकारी नीलेश गावंडे, निखिल रामटेके, संदीप बन्सोड, सूरज धुर्वे व पारडपार येथील शेतकरी ऋषिकेश मोटघरे, शैलेश मेश्राम, विवेक मेश्राम, प्रतीक वाघमारे, स्वप्निल गजभे उपस्थित होते.