सिंदेवाही येथे युवा सैनिकांची सभा

सिंदेवाही : युवासेना प्रमुख तथा पर्यटन मंत्री आदित्य ठाकरे, शिवसेना जिल्हा संपर्क प्रमुख प्रशांत कदम, युवासेना कार्यकारिणी सदस्य रुपेश कदम, युवासेना जिल्हा विस्तारक नित्यानंद त्रिपाठी यांच्या मार्गदर्शनाखाली ब्रह्मपुरी विधानसभा क्षेत्रातील युवासेना पदाधिकाऱ्यांची तथा युवासैनिकांची सभा सिंदेवाही येथे नुकतीच पार पडली. युवासेना जिल्हाप्रमुख हर्षल शिंदे यांच्या सिंदेवाही प्रथम आगमना प्रित्यार्थ शिवसेना, युवासेना सिंदेवाहीतर्फे सत्कार करण्यात आला. त्यानंतर ब्रह्मपुरी विधानसभा क्षेत्रातील युवा सैनिकांना मार्गदर्शन करण्यात आले. तसेच विविध संघटनात्मक चर्चा करण्यात आली. यावेळी मुख्य मार्गदर्शक म्हणून युवासेना जिल्हा प्रमुख हर्षल शिंदे, युवासेना जिल्हा समन्वयक पप्पु सारवान, आशिष चिंतलवार, शिवसेना तालुका प्रमुख देवेंद्र मंडलवार, भद्रावती युवासेना प्रमुख महेश जीवतोडे, पंकज नान्नेवार, विकास आदे, विशाल लोखंडे, सागर बोरकर, विध्यार्थी सेना प्रमुख प्रितम नागोसे, महेश गेडाम, स्वप्नील चहांदे आदी उपस्थित होते.