चंद्रपूर : महाराष्ट्र नवनिर्माण सेनेचे अध्यक्ष राज ठाकरे यांच्या वाढदिवसानिमित्त महाराष्ट्र नवनिर्माण सेना चंद्रपूरच्या वतीने विविध कार्यक्रमांचे आयोजन करण्यात आले. यावेळी अत्यंत हलाखीची परिस्थितीत जीवन जगणाऱ्या तृतीयपंथीयांना साडीचे वाटप करुन सन्मानित करण्यात आले.
यावेळी मनसेचे जिल्हाध्यक्ष दिलीप रामेडवार, मनसे जिल्हाध्यक्ष राहुल बालमवार, महिला सेना जिल्हाध्यक्ष सुनीता गायकवाड, महिला सेना जिल्हा उपाध्यक्ष शोभा वाघमारे, मनसेच्या नगरसेविका सीमा रामेडवार, शहर संघटक महेश शास्त्रकार, मनसे तालुकाध्यक्ष प्रकाश नागरकर, मनसे शहर सचिव मनोज तांबेकर, मनसे जिल्हा उपाध्यक्ष कुलदीप चंदनखेडे, ग्रा. पं. सदस्य विवेक धोटे, ग्रा. पं. सदस्य निशिकांत पिसे, मनसे शहर उपाध्यक्ष सुयोग धनवलकर, मनसे शहर उपाध्यक्ष पियुष धुपे, अर्चना आमटे, राज वर्मा, वर्ष भोसले आदी उपस्थित होते.
बॉक्स
गरजूंना आर्थिक मदत
कोरोनामुळे अनेक कुटुंबातील कर्त्या व्यक्तीचा मृत्यू झाला आहे. त्यामुळे त्या कुटुंबावर अर्थिक संकट ओढावले आहे. अशा मृतांच्या नातेवाईकांना महाराष्ट्र नवनिर्माण सेनेतर्फे आर्थिक मदत करण्याचा निर्णय यावेळी घेण्यात आला. गरजूंना आर्थिक मदत देण्यात येणार आहे.