नागरी परिसरात गावठी दारू जप्त
By लोकमत न्यूज नेटवर्क | Published: April 5, 2020 05:00 AM2020-04-05T05:00:00+5:302020-04-05T05:01:40+5:30
येथून जवळच असलेल्या नागरी परिसरातील एका शेतात गावठी दारू काढत असल्याची माहिती वरोरा पोलिसांना मिळाली. त्यानुसार पोलिसांनी शनिवारी दोन ठिकाणी धाड टाकून तीन लाख रुपयांचा मुद्देमाल जप्त केला. याप्रकरणी आरोपींविरुद्ध गुन्हा दाखल करण्यात आला आहे.
लोकमत न्यूज नेटवर्क
वरोरा : येथून जवळच असलेल्या नागरी परिसरातील एका शेतात गावठी दारू काढत असल्याची माहिती वरोरा पोलिसांना मिळाली. त्यानुसार पोलिसांनी शनिवारी दोन ठिकाणी धाड टाकून तीन लाख रुपयांचा मुद्देमाल जप्त केला. याप्रकरणी आरोपींविरुद्ध गुन्हा दाखल करण्यात आला आहे.
वरोरा पोलीस स्टेशनचे प्रभारी अधिकारी सतीश देशमुख यांना वरोरा पोलीस स्टेशन अंतर्गत येणाऱ्या नागरी शेतशिवारात हातभट्टीवर मोहाची दारु काढत असल्याची माहिती मिळाली. त्यांनी आपल्या सहकाऱ्यांसह शनिवारी धाड टाकली असता नदीच्या काठावर निळ्या रंगाचे प्लास्टिक ड्रममध्ये गावढी हातभट्टीची ९०० लिटर दारु सडवा जप्त केला. त्यानंतर नागरी येथील शंकर शिवरकर यांच्या शेतात दहा प्लास्टिक ड्रममध्ये एक हजार लिटर मोहफुलाचा सडवा जप्त करून शंकर शिवरकर (३८), विजय दिवाकर नैताम,(३५) दिनेश बोरकर (३२), दिगांबर आत्राम (४५) सर्व रा. नागरी यांच्याविरुध्द दारुबंदी कायद्यानुसार गुन्हा दाखल करून शोध सुरु केला आहे.