नागभीड : नागभीड येथील स्मशानभूमीच्या विकासासाठी वैशिष्ट्यपूर्ण निधी योजनेंतर्गत २ कोटी ५० लाख रुपये मंजूर झाले आहेत. या निधीतून नागभीड नगर परिषदेतील ५ स्मशानभूमीतील विकास कामे हाती घेण्यात आली आहेत.
नागभीड नगर परिषद ९ ग्रामपंचायती मिळून बनविण्यात आली आहे. याशिवाय विविध गावेही नगर परिषदेत समाविष्ट आहेत. या नगर परिषदेत समाविष्ट असलेल्या प्रत्येक गावांना स्वतःची स्वतंत्र स्मशानभूमी आहे. सद्यस्थितीत नागभीड, बाम्हणी, बोथली, नवखळा व चिखलपरसोडी या ठिकाणच्या स्मशानभूमीतील विविध कामे हाती घेण्यात आली आहेत. या विकास कामांतर्गत स्मशानभूमीत सभागृह, दहनशेड, शौचालय, बाथरूम, बोअरवेल, सिमेंट रोड व प्रवेशद्वार ही कामे करण्यात येणार आहेत. काही ठिकाणी ही कामे सुरूही करण्यात आली असून पूर्णत्वास येत आहेत.
कोट
या निधीतून या पाचही स्मशानभूमीतील कामे होणार आहेतच; पण भविष्यकाळात बसायचे मेज, हायमॅक्स लाइट आणि वृक्षारोपणाची कामे हाती घेण्यात येणार आहेत.
- सचिन आकूलवार, बांधकाम सभापती, न.प. नागभीड.