चंद्रपूर : वीजबिल वाचविण्यासाठी काही जण मीटरमध्ये छेडछाड करीत महावितरणसह स्वत:ची फसवणूक करतात. यामध्ये जर महावितरणला ही चोरी आढळून आल्यास पोलीस ठाण्यात गुन्हा दाखल होतो. एवढेच नाही, तर त्याच्या घरात कायमचा अंधार होऊ शकते. त्यामुळे मीटरमध्ये फेरफार करण्यापूर्वी एकदा विचार केलेला बरा.
महावितरणकडून घरगुती, वाणिज्यिक, औद्योगिक आणि कृषी ग्राहकांना वीजपुरवठा केला जातो. किती वीज जळते, यासाठी ग्राहकांच्या घरी वीज मीटर लावला जातो. विशेष म्हणजे, मीटर लावण्यापूर्वी घरातील इलेक्ट्रिक साहित्य किती याचाही अंदाज घेतल्या जातो. मात्र, काही ग्राहक यामध्ये फेरफार करतात. यामुळे कधी मीटर फॉल्टी दाखवतात, तर काही ग्राहकांकडे अत्यंत कमी युनिट जळल्याचे मीटरमध्ये दाखवतात. वीजबिल चुकविण्यासाठी केलेली ही फेराफेरी ग्राहकांना जेलची वारी घडवू शकते. भारतीय विद्युत कायद्याच्या कम १३५, १३८, १२६ अंतर्गत संबंधितांवर गुन्हाही दाखल करून, वीजचोरी करणाऱ्याविरुद्ध फौजदारी खटला दाखल केला जाऊ शकतो.
बाॅक्स
वीज मीटरमध्ये फेरफार करणाऱ्यांविरुद्ध कारवाई
२०१९-
२०२०-
२०२१-
बाॅक्स
अधिकारी म्हणतात....
ग्राहक वीजचोरी करीत असेल, तर ते अत्यंत चुकीचे आहे. आपणच आपली फसवणूक करतो, हे त्या ग्राहकाच्या लक्षात येत नाही. वीजचोरी, मीटर मध्ये फेरफार आढळल्यास संबंधितांवर गुन्हा दाखल होऊ शकतो. यामध्ये संबंधिताला शिक्षाही भोगावी लागते.
- अधीक्षक अभियंता, वीज वितरण कंपनी
बाॅक्स
मीटर जप्ती अन् ५० हजारांपर्यंत दंड
ग्राहकांनी मीटरमध्ये फेरफार केल्याचे आढळल्यास मीटर जप्त केले जाते. यामध्ये संबंधितांकडून मागील दोन वर्षांपर्यंतचे बिल वसूल केले जाते. यामध्येही दंडाची रक्कम भरावी लागते. दंड न भरल्यास पोलीस स्टेशनमध्ये तक्रार दाखल करून गुन्हा नोंद केला जातो.
बाॅक्स
कधीही होऊ शकते मीटरची तपासण
वीज वितरण कंपनी वीज मीटर लावून देताना एक फार्म भरून घेते. यामध्ये घरातील इलेक्ट्रिक वस्तू, बल्बचा किती वापर केला जाणार, या संदर्भात माहिती घेतली जाते. यानुसार, संबंधित ग्राहकाचे किती वीज युनिट जळू शकेल, याचा अंदाज लावला जातो. जर यामध्ये तफावत आढळली, तर अधिकारी केव्हाही वीज ग्राहकाकडील वीज मीटरची तपासणी करू शकतात. सोबतच एखाद्याने तक्रार केल्यास याचीही दखल घेतली जाते.