सरकारी नोकरीची संधी! सर्वोच्च न्यायालयात विविध पदांसाठी भरती, कोण करू शकतं अर्ज? पात्रता काय?

Supreme Court Recruitment 2026: सरकारी नोकरीच्या शोधात असलेल्या उमेदवारांसाठी एक सुवर्णसंधी आहे. सर्वोच्च न्यायालयात विविध पदांसाठी भरती निघाली आहे.

सरकारी नोकरीच्या शोधात असलेल्या उमेदवारांसाठी एक सुवर्णसंधी चालून आली आहे. भारताच्या सर्वोच्च न्यायालयाने विविध पदांसाठी अधिकृत अधिसूचना प्रसिद्ध करण्यात आली. येत्या २३ फेब्रुवारीपासून अर्ज प्रक्रियेला सुरुवात होणार असून ८ मार्च अर्ज करण्याची शेवटची तारीख आहे. यानंतर कोणत्याही उमेदवाराचा अर्ज स्वीकारला जाणार नाही. दरम्यान, या भरतीसंदर्भात अधिक माहिती जाणून घेण्यासाठी इच्छुक उमेदवारांनी सर्वोच्च न्यायालयाचा अधिकृत वेबसाइटला भेट द्यावी.

या भरती मोहिमेद्वारे एकूण २२ जागा भरल्या जाणार आहेत, ज्यात सहायक संपादक (SC Reports)- ५ जागा, सहायक संचालक (SC Museum)- १ जागा, वरिष्ठ न्यायालय सहायक (Museum)- २ जागा आणि सहायक ग्रंथपाल (Assistant Librarian)- १४ जागांचा समावेश आहे. उमेदवारांची निवड तीन टप्प्यांत होईल. सर्वातप्रथम, उमेदवाराची लेखी परीक्षा होईल. त्यानंतर संगणक पात्रता चाचणी आणि शेवटी मुखालत होईल.  

शैक्षणिक पात्रता आणि अनुभव

सहायक संपादक: कायद्याची पदवी आणि किमान ३ वर्षांचा अनुभव आवश्यक.
सहायक संचालक: संग्रहालयशास्त्रात प्रथम श्रेणीत पदव्युत्तर पदवी आणि ५ वर्षांचा संशोधन अनुभव.
वरिष्ठ न्यायालय सहायक: संग्रहालयशास्त्रात किमान ५५ टक्के गुणांसह पदव्युत्तर पदवी आणि २ वर्षांचा अनुभव.
सहायक ग्रंथपाल: ग्रंथालय विज्ञानातील पदवी, संगणक डिप्लोमा आणि २ वर्षांचा अनुभव.

अर्ज कसा करावा?

- सर्वप्रथम सर्वोच्च न्यायालयाच्या अधिकृत वेबसाइटला भेट द्या.
- होमपेजवर असलेल्या 'Recruitment' लिंकवर क्लिक करा.
- नवीन नोंदणी करून लॉगिन आयडी तयार करा.
- अर्जात विचारलेली सर्व माहिती अचूक भरा आणि आवश्यक कागदपत्रे अपलोड करा.
- अर्ज सबमिट केल्यानंतर त्याची प्रिंटआउट काढून स्वतःकडे ठेवा.