शिक्षणाधिकारी कार्यालयातच विद्यार्थ्यांंचा ठिय्या

संस्थाचालकाने विद्यार्थ्यांंना हाकलले; निमागव गुरू येथील भास्करराव शिंगणे शाळेतील प्रकार.

बुलडाणा : निमगाव गुरू येथील स्व. भास्करराव शिंगणे माध्यमिक विद्यालयाच्या मुख्याध्यापिका विद्या राघोजी शिंगणे यांनी इयत्ता दहावीच्या विद्यार्थ्यांंना शाळेतून हाकलून दिले. तुमचे शाळा सोडण्याचे दाखले घेऊन जा, ही शाळा बंद करायची असे सांगून वर्गात बसण्यास मनाई केली. त्यामुळे गुरुवारी पालकासह सुमारे १४ विद्यार्थ्यांंनी बुलडाणा येथील माध्यमिक शिक्षणाधिकारी कार्यालयात ठिय्या मांडला होता. देऊळगावराजा तालुक्यातील निमगाव गुरू येथे स्व. भास्करराव शिंगणे माध्यमिक विद्यालय मागील दहा वर्षांं पासून कार्यरत आहे. येथे ८ ते १0 वर्ग असून, यावर्षी दहावीत गेलेल्या १४ विद्यार्थ्यांंना संस्थेच्या सचिव तथा मुख्यध्यापिका विद्या राघोजी शिंगणे यांनी २२ जुलै रोजी वर्ग सुरू असताना विद्यार्थ्यांंना वर्गातून बाहेर काढले. सर्व विद्यार्थ्यांंनी आपआपले शाळा सोडण्याचे दाखले घेऊन जा, आम्हाला शाळा चालवायची नाही, तुमचे नुकसान झाल्यास आम्ही जबाबदार राहणार नाही, असे सांगून वर्ग खाली केला. या संदर्भात पालकांनी विचारले असता संस्थेच्या सचिव विद्या शिंगणे या काहीही बोलायला तयार नाहीत. त्यामुळे विद्यार्थ्यांंचे दहावीचे वर्ष असल्यामुळे त्यांचे शैक्षणिक नुकसान होऊ नये म्हणून पालक व दहावीच्या १४ विद्यार्थ्यांंनी गुरुवारी बुलडाणा येथील शिक्षणाधिकारी कार्यालयात ठिय्या मांडला होता. सदर शाळेत विद्यार्थ्यांंना प्रवेश नाकारल्यास या विद्या र्थ्यांंनी शिक्षणासाठी कोठे जावे, असा सवाल त्यांच्या पालकांनी उपस्थित केला. कारण निमगाव गुरू गावापासून विद्यार्थ्यांंना कोणतीच शाळा जवळ नाही. निमगावपासून देऊळगावमही १३ कि.मी. अंतरावर आहे. तर मध्ये खडकपूर्णा नदी लागते. साठेगाव ७ कि.मी. अंतरावर आहे. या गावाला जाण्यासाठीसुद्धा दोन नद्या लागतात. त्यामुळे विद्यार्थी शिक्षणासाठी या दोन्ही गावाला जाऊ शकत नाहीत. त्यामुळे विद्यार्थ्यांना प्रवेश नाकारल्यास त्यांचे शैक्षणिक नुकसान होणार असल्यामुळे पालकांनी न्याय मागण्यासाठी शिक्षणाधिकारी कार्यालय गाठले होते.