नांदुरा व मलकापूर कृउबास संचालक मंडळास मुदतवाढ

मलकापूर कृउबासच्या संचालक मंडळाला राज्याचे पणनमंत्री राधाकृष्ण विखे पाटील यांनी १३ जून रोजी एका आदेशान्वये ६ महिन्यांची मुदतवाढ दिली आहे.

मलकापूर : मलकापूर कृउबासच्या संचालक मंडळाला राज्याचे पणनमंत्री राधाकृष्ण विखे पाटील यांनी १३ जून रोजी एका आदेशान्वये ६ महिन्यांची मुदतवाढ दिली आहे.

या मुदत वाढीमुळे प्रशासक ए. बी. सांगळे यांनी आपला पदभार सभापती संजय काजळे पाटील यांच्याकडे सोपविला. मलकापूर कृषी उत्पन्न बाजार समितीचा कार्यकाळ ८ एप्रिल १३ रोजी संपुष्टात आला होता. शासनाने अधिसूचना ८ फेब्रुवारी १३ रोजी राज्यातील बाजार समित्यांच्या निवडणुका ६ महिने म्हणजेच ७ ऑगस्टपर्यंत पुढे ढकलण्यास परवानगी दिली होती. शासन अधिसूचना ११ ऑक्टोबर १३ न्वये १0 एप्रिल १४ पर्यंत व आता १0 एप्रिलचे अधिसूचनेद्वारे ११ एप्रिलपासून पुढे ६ महिन्यांकरिता म्हणजेच १0 ऑक्टोबर पर्यंत बाजार समितीच्या निवडणुका पुढे ढकलण्यास मुदतवाढ देण्यात आली आहे. यापूर्वी जिल्हा उपनिबंधक सहकारी संस्था बुलडाणा यांच्या आदेशान्वये १४ ऑगस्ट १३ रोजी मलकापूर बाजार समितीवर प्रशासक म्हणून नियुक्त करण्यात आले होते. त्याविरुध्द कृउबासने मुंबई उच्च न्यायालयाच्या खंडपीठात याचिका दाखल केली होती. त्यानंतर पुन्हा मुंबई उच्च न्यायालयाच्या नागपूर खंडपिठाने विदर्भातील २६ बाजार समित्यांचा कार्यकाळ संपुष्टात आल्याने प्रशासकाच्या नियुक्तीचे आदेश दिले होते. त्या अनुषंगाने २ मे २0१४ रोजी मलकापूर बाजार समितीचा कार्यभार सहाय्यक निबंधक मलकापूर यांनी प्रशासक म्हणून स्विकारला होता. त्यामुळे बाजार समितीचे संचालक मंडळ बरखास्त झाले होते. याविरुध्द कृउबासचे सभापती यांनी महाराष्ट्र कृषी पणन (विकास व विनियमन) अधिनियम १९६३ मधील कलम ४३ अंतर्गत शासनासमोर पुनर्निरीक्षण अर्ज दाखल केला होता. या अर्जावर राज्याचे पणनमंत्री राधाकृष्ण विखे पाटील यांनी १२ जून रोजी एका आदेशान्वये जिल्हा उपनिबंधक सहकारी संस्था यांच्या प्रशासक नियुक्तीच्या आदेशाला अंतरीम स्थगिती दिली. त्यामुळे जिल्हा उपनिबंधक सहकारी संस्था यांनी पणनमंत्री यांच्या आदेश क्र.७८७९ अन्वये सभापती संजय काजळे पाटील यांना पदभार सुपूर्द केला. भाजपाचे प्रदेश उपाध्यक्ष आ. चैनसुख संचेती व राष्ट्रवादी काँग्रेसचे नेते सोपानराव साठे यांनी याबाबत महत्वाची भूमिका बजावली. बाजार समितीच्या सभागृहामध्ये सभापती काजळे यांना प्रशासक ए. बी. सागळे यांनी आपला पदभार सुपूर्द केला. याप्रसंगी बाजार समिती संचालक शांताराम पाटील, भगवान पाटील, आनंदा शिरसाट, घनश्यामदास चांडक, शे.सलीम शे. मुनीर, विलास पाटील, डॉ.प्रकाश सपकाळ, सतिष अग्रवाल, ए. के. पाटील यांचेसह बाजार समितीचे सचिव राधेश्याम शर्मा, अढाव व सुतगिरणीचे उपाध्यक्ष रामभाऊ झांबरे, अरुणसिंह राजपूत, दाताळा सरपंच हरिभाऊ देशमुख, रामेश्‍वर पवार, गुणवंत काटकर, खामखेड सरपंच रावजी पाटील, सुभाष पाटील, कचरु पाटील यांयेसह इतरांची यावेळी उपस्थिती होती.