बुलडाणा : प्रलंबित मागण्यासाठी राज्यातील सरकारी डॉक्टर २ जून पासून संपावर जाणार आहेत. या राज्यव्यापी आंदोलनाची सुरूवात आज ३१ मे पासून जिल्हाधिकारी कार्यालयावर मुक मार्चा काढून धरणे आंदोलनाने करण्यात आली. सार्वजनिक आरोग्य विभागातील जवळपास १२ हजार वैद्यकीय अधिकारी व वरिष्ठ आरोग्य अधिकारी मॅग्मो संघटनेच्या नेतृत्वात राज्यव्यापी संप पुकारत आहेत. शासनाकडे प्रलंबित असलेल्या विविध मागण्यासंदर्भात ३ वर्षापूर्वी लेखी आश्वासन देवूनही त्यांची पूर्तता झाली नसल्याने डॉक्टरांनी आंदोलनाचा मार्ग स्वीकारला आहे. याअंतर्गंत आज जिल्हाधिकारी कार्यालयावर मुक मोर्चा काढून धरणे आंदोलन करण्यात आले.
{{#config.logo.enabled}}
{{/allowed}}