मासळ येथे ट्रॅक्टर उलटून चालक ठार, एक गंभीर

देवीदास मारुती कानेकर (५६) रा.मासळ असे मृताचे नाव आहे. तर विजय विनायक मटाले (४०) रा.मासळ असे जखमीचे नाव आहे. शेतीच्या कामानिमित्त विजय मटाले यांचा ट्रॅक्टर घेऊन देवीदास कानेकर घरतोडा येथील शेताकडे जात होते. मासळ गावाच्या बाहेर ट्रॅक्टर जाताच चालकाचे नियंत्रण सुटले. ट्रॅक्टर थेट शेतात जाऊन उलटला. ट्रॅक्टरचे चारही चाके वर झाल्याने देवीदास इंजिनखाली दबला गेला. तर विजय बाहेर फेकला गेला.

ठळक मुद्देचारही चाके वर : मदतीसाठी घेतली गावकऱ्यांनी धाव

लोकमत न्यूज नेटवर्क
मासळ : भरधाव ट्रॅक्टर उलटून झालेल्या अपघातात चालक जागीच ठार तर ट्रॅक्टर मालक गंभीर जखमी झाला. हा अपघात लाखांदूर तालुक्याच्या मासळ येथे बुधवारी सकाळी १० वाजताच्या सुमारास घडला. अपघात एवढा भीषण होता की ट्रॅक्टरची चारही चाके वर झाली होती. गावकऱ्यांनी मदतीसाठी धाव घेत जखमीला रुग्णालयात दाखल केले.
देवीदास मारुती कानेकर (५६) रा.मासळ असे मृताचे नाव आहे. तर विजय विनायक मटाले (४०) रा.मासळ असे जखमीचे नाव आहे. शेतीच्या कामानिमित्त विजय मटाले यांचा ट्रॅक्टर घेऊन देवीदास कानेकर घरतोडा येथील शेताकडे जात होते. मासळ गावाच्या बाहेर ट्रॅक्टर जाताच चालकाचे नियंत्रण सुटले. ट्रॅक्टर थेट शेतात जाऊन उलटला. ट्रॅक्टरचे चारही चाके वर झाल्याने देवीदास इंजिनखाली दबला गेला. तर विजय बाहेर फेकला गेला. अपघाताची माहिती होताच गावकºयांनी घटनास्थळी धाव घेतली. देवीदासचा मृत्यू झाल्याचे पुढे आले तर विजय मटाले याला गंभीर जखमी अवस्थेत रुग्णालयात दाखल केले. या घटनेची माहिती लाखांदूर पोलिसांना देण्यात आली. ठाणेदार शिवाजी कदम यांच्यासह पोलिसांनी घटनास्थळी धाव घेतली. पंचनामा करून मृतदेह उत्तरीय तपासणीसाठी रवाना करण्यात आला. या अपघाताने परिसरात हळहळ व्यक्त होत आहे. अधिक तपास पोलीस निरीक्षक प्रमोद कुरसंगे करीत आहेत.

टिप्परच्या धडकेत दुचाकीस्वार ठार
भरधाव टिप्परने धडक दिल्याने दुचाकीस्वार जागीच ठार झाल्याची घटना राष्ट्रीय महामार्गावरील भंडारा तालुक्यातील भिलेवाडा येथे बुधवारी सकाळी ११.३० वाजताच्या सुमारास घडली. सतीश गजानन बाभरे (४५) रा.आमगाव दिघोरी असे मृताचे नाव आहे. तो फुलमोगरा येथील पेट्रोलपंपावर कामावर होता. आमगाव येथून भंडाराकडे जात असताना भिलेवाडा जवळील एका कंपनीसमोर टिप्पर क्रमांक एमएच ४० वाय ८४७७ दुचाकीला धडक दिली. त्यात त्याचा जागीच मृत्यू झाला. या घटनेची माहिती आमगाव येथे होताच गावकºयांनी घटनास्थळी धाव घेतली. सतीशच्या मागे पत्नी, मुलगा, मुलगी, आईवडील, भाऊ असा परिवार आहे. कारधा पोलीस अधिक तपास करीत आहेत.