कुणाला कलींगड तर कुणाला शिमला मिरची!

विधानसभा निवडणुकीसाठी राष्ट्रीय, राज्य पातळीवर विविध राजकीय पक्षाच्या उमेदवारासह अपक्ष उमेदवारही निवडणूक रिंगणात उतरत आहे. अपक्षांची संख्या दिवसेंदिवस वाढत आहे. त्यामुळे मुक्त चिन्हाची संख्यादेखील आता १९७ पर्यंत पोहचली आहे. अपक्ष उमेदवारासाठी शिमला मिरची, कलींगड, द्राक्षे, अद्रक आदी प्रकारचे गमतीशीर मुक्त चिन्हे आयोगाने अपक्ष उमेदवारांसाठी उपलब्ध करून दिली आहेत.

ठळक मुद्देअपक्ष उमेदवारासाठी १९७ मुक्त चिन्ह : दुर्बीणपासून ते नारळाची बाग, गालीचा, संगणक, आॅटोचाही समावेश

संजय साठवणे।लोकमत न्यूज नेटवर्कसाकोली : विधानसभा निवडणुकीसाठी राष्ट्रीय, राज्य पातळीवर विविध राजकीय पक्षाच्या उमेदवारासह अपक्ष उमेदवारही निवडणूक रिंगणात उतरत आहे. अपक्षांची संख्या दिवसेंदिवस वाढत आहे. त्यामुळे मुक्त चिन्हाची संख्यादेखील आता १९७ पर्यंत पोहचली आहे. अपक्ष उमेदवारासाठी शिमला मिरची, कलींगड, द्राक्षे, अद्रक आदी प्रकारचे गमतीशीर मुक्त चिन्हे आयोगाने अपक्ष उमेदवारांसाठी उपलब्ध करून दिली आहेत.विधानसभेच्या २८८ जागांसाठी निवडणूक होत असल्याने विधानसभा क्षेत्रासाठी मतदारसंघात उमेदवारी अर्ज भरण्याची प्रक्रिया सुरू आहे. ७ आॅक्टोबरपर्यंत उमेदवारी अर्ज मागे घेता येणार आहे. याच दिवशी निवडणुकीतील उमेदवारांचे चित्र स्पष्ट होणार आहे. काँग्रेस, राष्ट्रवादी काँग्रेस, भाजप, भारतीय कम्युनिष्ट पक्ष, बहुजन समाज पार्टी यांच्या सह तृणमुल काँग्रेस असे सात राष्ट्रीय पक्ष आहेत. शिवसेना व महाराष्ट्र नवनिर्माण सेना हे दोन पक्ष राज्य पातळीवरील पक्ष आहे. राष्ट्रीय व राज्य पातळीवरील या सर्व पक्षांना निवडणूक आयोगाने चिन्हे दिली आहे. या पक्षाच्यावतीने निवडणूक लढविणाऱ्या उमेदवारांना त्या त्या पक्षाचे चिन्ह प्रदान केले जातील. लोकसभा आणि विधानसभा निवडणुकीसाठी अपक्ष उमेदवारांची वाढती संख्या लक्षात घेवून भारत निवडणूक आयोगाने १९७ मुक्त चिन्हे उपलब्ध करून दिले आहेत.फुलकोबी द्राक्षांचाही समावेशया मुक्त चिन्हांमध्ये एअर कंडीशनर, कपाट, सफरचंद, आॅटोरिक्षा, बेबी वाकर, बॉक्स, मनुष्य, नाव, बिस्कीट, फळा, दुर्बीन, सायकल पंप, कॅमेरा, कॅन, शिमला मिरची, गालीचा, कॅरमबोर्ड, फुलकोबी, सीसीटीव्ही कॅमेरा, ट्रेन, खाट, संगणक माऊस, कलर ट्रे आणि ब्रश, नारळाचे बाग, कोट, दरवाज्याची घंटी, दरवाजा हॅन्डल, ड्रिल मशीन, डम्बेल्स, कानातील रिंग, लिफाफा, काचेचा पेला, इस्त्री, काडपेटी, पेन स्टॅन्ड, स्टीकर्स, विजेचा खांब, रेझर, बुट, टुथपेस्ट, अक्रोड, झोपाळा, बांगड्या, स्पॅनर पाना, शाळेचे दफ्तर यांच्यासह इतरही चिन्हांचा समावेश करण्यात आला आहे.