असंघटित कामगारांना बंद काळातील पूर्ण वेतन द्या

तालुक्यात डोंगरी बूज व चिखला येथे जगप्रसिद्ध अशा मॅग्नीज खाणी आहेत. या दोन्ही खाणीत परिसरातील गर्रा, बघेडा, डोंगरी बु. बाळापूर, कुळमुरा, देवनारा, चिखली, आसलपाणी, मोठागाव, कारली, सुसूरडोह, येदरबुची, सुंदरटोला, चिखला, सीतासांवगी, गोबरवाही, राजापूर, नाकडोंगरी, आष्टी, लोभी, बावनथडी, पाथरी, कवलेवाडा आदी गावातील असंघटित कामगार कंत्राटी पद्धतीने काम करतात.

ठळक मुद्देशिवसेनेची मागणी : कामगार कल्याण अधिकाऱ्यांना निवेदन

लोकमत न्यूज नेटवर्क
तुमसर : कोरोना विषाणुच्या वाढत्या प्रादूर्भावामुळे देशात लॉकडाऊन पुकारल्यामुळे तालुक्यातील डोंगरी (बुज.) व चिखला येथील मॅग्नीज खाणी बंद करण्यात आल्या होत्या. परिणामी त्यात काम करणारे असंघटित कंत्राटदारीचे काम बंद झाल्यामुळे हजारो कामगार संकटात सापडले आहेत. त्यांना बंद काळातील पूर्ण पगार देण्यात यावा, अशी मागणी तुमर तालुका शिवसेनाच्या वतीने मॉयल प्रबंधक व कामगार कल्याण अधिकारी यांना दिलेल्या निवेदनातून केली आहे
तालुक्यात डोंगरी बूज व चिखला येथे जगप्रसिद्ध अशा मॅग्नीज खाणी आहेत. या दोन्ही खाणीत परिसरातील गर्रा, बघेडा, डोंगरी बु. बाळापूर, कुळमुरा, देवनारा, चिखली, आसलपाणी, मोठागाव, कारली, सुसूरडोह, येदरबुची, सुंदरटोला, चिखला, सीतासांवगी, गोबरवाही, राजापूर, नाकडोंगरी, आष्टी, लोभी, बावनथडी, पाथरी, कवलेवाडा आदी गावातील असंघटित कामगार कंत्राटी पद्धतीने काम करतात. मात्र लॉकडाउनमुळे गरिब कंत्राटी मजुरांना मॉयल प्रशासनाने कामावरून बंद केले. दरम्यानमॉयलची खाण सुरु झाल्याननंतरही त्यांना कामावर रुजू करून घेतले नाही. त्यामुळे हातावर आणून पानावर खाणाऱ्यांच्या उदरनिर्वाहाचा प्रश्न निर्माण झाला आहे. लॉकडाऊनमध्ये बंद केलेल्या कामगारांना मालकांनी बंद काळातील पगार देण्यात यावा, असे निर्देश पंतप्रधान नरेंद्र मोदी यांनी दिले होते. मात्र येथे पंतप्रधानांच्या निर्देशना तिलांजली देण्यात आली आहे.
याकडे मॉयल प्रबंधक व कामगार कल्याण अधिकाऱ्यांचे लक्ष वेधून मॉयलच्या सीएसआर निधी कामगारांच्या कल्याणासाठी उपलब्ध करून घ्यावा, अन्यथा दुसरा पर्याय शोधवा लागेल, असा इशारा आहे.
शिष्टमंडळात शिवसेनेचे तालुका प्रमुख प्रकाश लसूनते, उपजिल्हा प्रमुख नरेश उचिबगले, राजेंद्र पटेल, शेखर कोतपलीवार, प्रकाश पारधी, अनिल द्रुगकर, सुरेश मलेवार, शहर प्रमुख नितीन सेलोकर, राजू निखाडे, उपतालुका प्रमुख शिवशंकर शेंदरे, आशिष उचिबघले, विभाग प्रमुख राखीचंद राहंगडाले, सत्यनारायण कामथे, मोहन ढोक, बलराम बावणे, यश कोलते, खजरुलाल नेताम, अनमोल बिसने, सागर पटले, कचरू नेताम आदींचा समावेश होता.