डेंग्यूची परिस्थिती पाहता सन २०१७ मध्ये ७४ नमुने घेण्यात आले होते. त्यात एक रुग्ण पॉझिटिव्ह आढळला नव्हता. सन २०१८ मध्ये १९५ नमुन्यांपैकी दोन रुग्ण पॉझिटिव्ह, सन २०१९ मध्ये २६४ नमुन्यांपैकी १० रुग्ण पॉझिटिव्ह, सन २०२० मध्ये ८७ नमुन्यांपैकी ८ रुग्ण
पॉझिटिव्ह, सन २०२१ च्या मेपर्यंत २२ नमुने घेण्यात आले. त्यात २ रुग्ण पॉझिटिव्ह आढळले.
मलेरियाची परिस्थिती पाहता सन २०१७ मध्ये ३ लाख ३४ हजार ३५४ नमुने घेण्यात आले होते. त्यात १३ रुग्ण पॉझिटिव्ह आढळले. सन २०१८ मध्ये ३ लाख १ हजार ८४० नमुन्यांपैकी १४ रुग्ण पॉझिटिव्ह, सन २०१९ मध्ये ३ लाख २५ हजार ६०० नमुन्यांपैकी ७ रुग्ण पॉझिटिव्ह, सन २०२० मध्ये २ लाख २० हजार २१५ नमुन्यांपैकी १४ रुग्ण पॉझिटिव्ह, सन २०२१ च्या मे पर्यंत ७५ हजार १०२ नमुने घेण्यात आले. त्यात एकही रुग्ण पॉझिटिव्ह आढळून आला नाही. डेंग्यू वाढत आहे. तर मलेरिया कमी-कमी होत असल्याची चिन्हे दिसत आहेत.
बॉक्स
डबक्यांमध्ये गप्पी मासे
कीटकजन्य आजाराच्या नियंत्रणाकरिता प्रत्येक शासकीय रुग्णालयात गप्पी मासे पैदास केंद्राची निर्मिती करण्यात येत असून, त्यामध्ये गप्पी माश्यांचा संचय करण्यात येतो. शासनाकडून ज्या भागात कीटकजन्य आजारांचा प्रादुर्भाव अधिक प्रमाणात असतो. अशा ठिकाणी दरवर्षी वर्षातून दोनदा कीटकनाशक फवारणी करण्यात येते.
बॉक्स
ही घ्या काळजी
कीटकजन्य आजाराची साथ होऊ नये, याकरिता आपल्या सभोवतालचा परिसर स्वच्छ ठेवणे, सभोवतालच्या परिसरात पाणी साठू न देणे, पाणी साठले असल्यास त्यामध्ये रॉकेल किंवा गाडीचे जळालेले तेल टाकावे. रात्री झोपताना मच्छरदाणीचा वापर करावा. कोणताही ताप अंगावर न काढणे, आजाराची लक्षणे दिसताच जवळच्या शासकीय रुग्णालयात जाऊन आजाराचे त्वरित निदान करून उपचार करावे.
कोट
कीटकजन्य आजार (मलेरिया, डेंग्यू, चिकनगुनिया) चा प्रसार डासांपासून होत असून, या आजारांचा प्रसार आटोक्यात ठेवण्याकरिता जनतेने आपला परिसर स्वच्छ ठेवणे, आपल्या परिसरात मच्छरांची संख्या वाढू नये, यासाठी सभोवताल पाणी साचू देऊ नये. कीटकजन्य आजारांच्या प्रतिबंधात्मक उपाययोजना संबंधात आरोग्य विभागाकडून वेळोवेळी करण्यात येणाऱ्या धूर फवारणी, कीटकनाशक फवारणी या कामात सहकार्य करावे.
- डॉ. प्रशांत उईके, जिल्हा आरोग्य अधिकारी भंडारा.