अपघातात तरुण ठार
By लोकमत न्यूज नेटवर्क | Published: February 21, 2020 06:00 AM2020-02-21T06:00:00+5:302020-02-21T06:01:18+5:30
बापलेक दोघेही काही कामानिमित्त दुचाकी क्रमांक एम एच ३६ एस ५२६३ ने शहापूरला गेले होते. परतीच्या प्रवासात महामार्गावरील दवडीपार फाट्याजवळ रस्ता ओलांडत असताना त्यांच्या दुचाकीला चारचाकी क्रमांक एम एच ३१ डीसी १०१० ने जोरदार धडक दिली. यात हेमराज हा चारचाकी वाहनाच्या बोनेटवर जोरदार आदळला.
लोकमत न्यूज नेटवर्क
जवाहरनगर : शहापूरहून भंडाराकडे दुचाकीने येत असलेल्या बापलेकाला मागेहून येणाऱ्या कारने धडक दिली. यात मुलगा जागीच ठार झाला, तर वडील गंभीर जखमी झाले. हेमराज देवदास वैद्य (३६) रा. दवडीपार (बेला) असे मृताचे नाव आहे.
वडील देवदास वैद्य यांना गंभीर अवस्थेत जिल्हा सामान्य रुग्णालयात उपचारार्थ दाखल करण्यात आले आहे. ही घटना गुरुवारी दुपारी १.१५ वाजताच्या सुमारास राष्ट्रीय महामार्गावरील दवडीपार फाट्याजवळ घडली.
बापलेक दोघेही काही कामानिमित्त दुचाकी क्रमांक एम एच ३६ एस ५२६३ ने शहापूरला गेले होते. परतीच्या प्रवासात महामार्गावरील दवडीपार फाट्याजवळ रस्ता ओलांडत असताना त्यांच्या दुचाकीला चारचाकी क्रमांक एम एच ३१ डीसी १०१० ने जोरदार धडक दिली. यात हेमराज हा चारचाकी वाहनाच्या बोनेटवर जोरदार आदळला. अपघातानंतर चारचाकी वाहन ५० फुटावर असलेल्या विद्युत खांबाला जाऊन आदळली.
नागरिकांनी घटनास्थळी धाव घेत गंभीररित्या जखमी झालेल्या हेमराजला उपचारार्थ रुग्णालयात हलविले. मात्र वाटेतच त्याची प्राणज्योत मालवली.
एसटीच्या धडकेत दुचाकीस्वार जखमी
साकोली : एसटी बसने दुचाकीला धडक दिल्याने भावेश कोटांगले (४४) हे जखमी झाले. ही घटना गुरुवारी सकाळी १०.३० वाजताच्या सुमारास साकोली विहिरगाव मार्गावर घडली. एसटी क्रमांक १२ ईएफ ६९१९ असून ती भूगावहून साकोलीकडे जात होती. याच दरम्यान हा अपघात घडला. साकोली पोलिसांनी घटनेची नोंद केली आहे.