कोंढा येथे अपघात, दोन गंभीर
By लोकमत न्यूज नेटवर्क | Published: May 29, 2020 05:00 AM2020-05-29T05:00:00+5:302020-05-29T05:01:01+5:30
ट्रकचालक रायभान आरीकर सोनेगाव (नाळ) येथे रात्रीला मुक्कामाला होता. सकाळी लोखंडाचे किस चंद्रपूरला नेण्यासाठी एम. एच. ३६ ए.ए. ३७६५ या ट्रकने सकाळी गावावरुन निघाला. त्या ट्रकमध्ये शेषराव नवघडे हा कोंढा येथे काम असल्याने बसला. कोंढा येथे विरुध्द दिशेने सिमेंट भरुन चंद्रपूरवरुन भंडारा येथे जात असलेला ट्रक क्र. एम एच ४० बी.जी. ७०७१ यास आमनेसामने ट्रकची धडक बसली.
लोकमत न्यूज नेटवर्क
कोंढा-कोसरा : येथील राज्यमार्गावरील जिल्हा परिषद प्राथमिक शाळेसमोर दोन ट्रकची आमोरासमोर धडक झाल्याने दोन गंभीर जखमी झाले. ही घटना गुरूवारी सकाळी ७.१५ वाजता घडली. ट्रकचालक रायभान महादेव आरीकर (४०) रा. सोनेगाव (नाळ) व शेषराव धनराज नवधडे (२७) रा. सोनेगाव अशी गंभीर जखमीचे नाव आहे.
ट्रकचालक रायभान आरीकर सोनेगाव (नाळ) येथे रात्रीला मुक्कामाला होता. सकाळी लोखंडाचे किस चंद्रपूरला नेण्यासाठी एम. एच. ३६ ए.ए. ३७६५ या ट्रकने सकाळी गावावरुन निघाला. त्या ट्रकमध्ये शेषराव नवघडे हा कोंढा येथे काम असल्याने बसला. कोंढा येथे विरुध्द दिशेने सिमेंट भरुन चंद्रपूरवरुन भंडारा येथे जात असलेला ट्रक क्र. एम एच ४० बी.जी. ७०७१ यास आमनेसामने ट्रकची धडक बसली. यामध्ये रायभान महादेव आरीकर ट्रकचालक गंभीर जखमी झाला. त्याच्या दोन्ही पायाला मार लागल्याने पाय मोडला. सिमेंट घेऊन जात असलेला ट्रक चालक चंदन नंदलाल ठाकूर (३२) रा. चंद्रपूर याच्या डोक्याला व हातपायाला मार लागला. अपघाताची माहिती मिळताच ग्रामस्थांनी रायभान आीरकर व शेषराव नवघडे यांना प्राथमिक आरोग्य केंद्रात दाखल केले. डॉ. सुरेंद्र कडीखाये यांनी तिघांवर उपचार केले. रायभान आरीकर यांची प्रकृती गंभीर असल्याने त्यास जिल्हा सामाण्य रूग्णालयात रेफर करण्यात आले.