बेकायदा बांधकामास माजलगाव न्यायालयाची अंतरिम स्थगिती

गोकुळधाम फेज-२ मधील रहिवाशांनी माजलगाव येथील वरिष्ठ स्तर न्यायालयात रे.दि.दा.नं.45/2021 मनाई हुकूमाचा दावा दिला आहे. सदर दाव्यात मनाई हुकूमच्या अर्जावर वरिष्ठ न्यायालयाने गोकुळधाम फेज-२च्या उत्तर बाजूने सुशीलकुमार सोळंके, नाईस बिल्डर, शाकेर शेख व सुनील भुतडा हे बेकायदेशीर बांधकाम करीत होते. त्यामुळे गोकुळधाम फेज २ च्या निवासी सदनिकांचे खिडक्या, गॅलरी, सज्जे, बाथरूम, संडास, आउटलेट व इतर बाह्य वितरिका झाकून जात होते. तसेच हवा व सूर्यप्रकाश बंद झाले होते. प्रत्येक फेजमध्ये प्रस्तावित नकाशानुसार दीड मीटरचे अंतर ठेवणे बंधनकारक होते, परंतु सदरची बाब दुर्लक्षित करून बळजबरीने सोळंके हे बेकायदेशीर बांधकाम खोटे व चूक कागदपत्रे तयार करून करीत होते. सदर बांधकामास माजलगाव न्यायालयाने अंतरिम स्थगिती दिली आहे. गोकुळधाम फेज-२च्या वतीने ॲड.व्ही. व्ही. फपाळ व टी. एन. कोल्हे हे न्यायालयीन काम पाहत आहेत.