अंबाजोगाई : सामान्य रुग्णांना दर्जेदार व अत्याधुनिक उपचार उपलब्ध करून देण्यासाठी आपण कटिबद्ध आहोत, अशी ग्वाही स्वामी रामानंद तीर्थ वैद्यकीय महाविद्यालय व रुग्णालयाचे अधिष्ठाता डॉ. शिवाजी सुक्रे यांनी दिली आहे.
स्वाराती रुग्णालयात लसीकरण विभागाच्या वतीने लस घेण्यासाठी येणाऱ्या नागरिकांसाठी ‘१५ मिनिटे आरोग्य मार्गदर्शन’ या उपक्रमाचा आरंभ अधिष्ठाता डॉ. सुक्रे यांच्या प्रमुख उपस्थितीत करण्यात आला. यावेळी व्यासपीठावर सामाजिक कार्यकर्ते अ. र. पटेल, उपअधिष्ठाता डॉ. शंकर धपाटे, मेडिसिन विभाग प्रमुख डॉ. सिद्धेश्वर बिराजदार, वैद्यकीय अधीक्षक डॉ. राकेश जाधव, लसीकरण विभागाचे प्रमुख डॉ. प्रशांत दहिरे, डॉ. अंकुशे, डॉ. राजेश कचरे, डॉ. रमेश इंगळे, डॉ. विश्वजित पवार, डॉ. अविनाश काशीद, अधिपरिाचरिका उषा भताने, दत्तात्रय अंबेकर, गोविंद खरटमोल, नागेश औताडे उपस्थित होते.
डॉ. सुक्रे म्हणाले, कोरोनाच्या पहिल्या व दुसऱ्या लाटेत अपुरा कर्मचारी वर्ग व अपुरी यंत्रसामग्री असतानाही निकराने लढा दिला. मात्र, आता तिसऱ्या लाटेचा सामना करताना सर्व त्रुटी दूर करून अत्याधुनिक यंत्रसामग्री उपलब्ध झाली आहे. अधिष्ठाता म्हणून माझा एक वर्षाचा कालावधी पूर्ण झाला असून, या काळात रुग्णालय व्यवस्थापनात अनेक बदल केले आहेत. अनेक नवीन कामे करता आली. आगामी काळातही या रुग्णालयात सुपर स्पेशालिटी सुविधा सामान्य रुग्णांना उपलब्ध करून देऊ, अशी ग्वाही त्यांनी दिली.
या वेळी डॉ. अविनाश काशीद यांनी ‘नियमित योगा’ या विषयावर सविस्तर मार्गदर्शन केले. याप्रसंगी डॉ. सिद्धेश्वर बिराजदार, दत्तात्रय अंबेकर यांची भाषणे झाली. स्वातंत्र्य संग्रामचे जनक स्वामी रामानंद तीर्थ यांच्या प्रतिमेस पुष्पांजली अर्पण करून कार्यक्रमास प्रारंभ झाला. यावेळी सर्व विभाग प्रमुख व कर्मचाऱ्यांनी अधिष्ठाता डॉ. शिवाजी सुक्रे यांच्या कारकीर्दीस एक वर्षे पूर्ण झाल्याबद्दल त्यांचे स्वागत केले. प्रास्ताविक संयोजक डॉ. प्रशांत दहिरे यांनी केले. संचालन डॉ. श्रीधर आघाव यांनी केले. डॉ. गणेश ताटे यांनी आभार मानले. या कार्यक्रमास रुग्णालयातील सर्व विभाग प्रमुख व कर्मचारी उपस्थित होते.
280721\20210728_132030.jpg
अंबाजोगाई येथे स्वाराती रुग्णालयात लसीकरण विभागाच्या वतीने १५ मिनिटात आरोग्य मार्गदर्शन या मोहिमेचा शुभारंभ अधिष्ठाता डॉ.शिवाजी सुक्रे यांच्या प्रमुख उपस्थितीत करण्यात आला