बीजिंग: स्मार्टफोन क्षेत्रात दबदबा निर्माण केल्यानंतर शाओमीने ऑटोमोबाईल क्षेत्रातही आपल्या 'Xiaomi SU7' इलेक्ट्रिक कारद्वारे खळबळ उडवून दिली आहे. एका ग्राहकाच्या वापरातील कारने केवळ १८ महिन्यांत तब्बल २ लाख ६५ हजार किलोमीटरचा टप्पा पार केला असून, विशेष म्हणजे इतक्या प्रचंड वापरानंतरही या कारच्या बॅटरीची प्रकृती ९४.५% इतकी शिल्लक असल्याचा दावा करण्यात आला आहे.
'लोकमत महाराष्ट्रीयन ऑफ द इयर' कोण?... क्लिक करून आपलं मत नोंदवा!
चीनमधील मिस्टर फेंग या शाओमी SU7 प्रो मालकाची ही माहिती सोशल मीडियावर व्हायरल झाली आहे. त्यांनी सरासरी दररोज ६०० किलोमीटर प्रवास केला आहे. बॅटरीची तपासणी केली असता, ९४.३ kWh क्षमतेच्या या बॅटरी पॅकमध्ये केवळ ५.५% घसारा झाला असल्याचे समोर आले. इलेक्ट्रीक वाहनांच्या टिकाऊपणाबाबत प्रश्न उपस्थित होत असताना चीनमधून झालेल्या या दाव्यामुळे ऑटोमोबाईल मार्केट बुचकळ्यात पडले आहे.
साधारणपणे ८ वर्षे किंवा १.५ लाख किलोमीटरनंतर बॅटरी २०-३०% खराब होण्याचा अंदाज असतो, मात्र शाओमीने हे खोटे ठरवले. पेट्रोल-डिझेल कारच्या तुलनेत मिस्टर फेंग यांनी १८ महिन्यांत सुमारे १४,३०० डॉलर्स (अंदाजे १२ लाख रुपये) इंधनावर खर्च होणारे वाचवले आहेत.
शाओमीचे सीईओ लेई जून यांनीही ही माहिती सोशल मीडियावर शेअर करत आनंद व्यक्त केला आहे. मिस्टर फेंग आता पुढील ३ वर्षांत ६ लाख किलोमीटरचा टप्पा पूर्ण करण्याचे ध्येय ठेवून आहेत.
Web Summary : Xiaomi's SU7 electric car stuns with a customer's vehicle achieving 265,000 km in 18 months, retaining 94.5% battery health. This challenges electric vehicle durability concerns, saving the owner significant fuel costs. Xiaomi CEO celebrates the achievement.
Web Summary : Xiaomi की SU7 इलेक्ट्रिक कार ने 18 महीनों में 2.65 लाख किमी चलकर सबको चौंका दिया, बैटरी की सेहत 94.5% बरकरार। इससे इलेक्ट्रिक वाहनों की टिकाऊपन की चिंता दूर होती है, मालिक के ईंधन खर्च की भारी बचत। Xiaomi सीईओ ने खुशी जताई।