कंपनीची विक्री घटली अन्...! Hyundai i20 मिळतेय ५.९९ लाखांमध्ये, नवीन बेस मॉडेल लाँच केले...

Hyundai i20 Price Cut: हुंडईने आपल्या प्रीमियम हॅचबॅक i20 च्या किमतीत मोठी कपात केली आहे. आता Hyundai i20 चे बेस मॉडेल ५.९९ लाखात उपलब्ध.

नवी दिल्ली: प्रिमियम हॅचबॅक कार घेण्याचे स्वप्न पाहणाऱ्या ग्राहकांसाठी एक पर्याय उपलब्ध झाला आहे. हुंडई मोटर इंडियाने आपल्या लोकप्रिय 'Hyundai i20' कमी किंमतीतील एक मॉडेल लाँच केले आहे. आता ही कार अवघ्या ५.९९ लाख रुपयांच्या (एक्स-शोरूम) सुरुवातीच्या किमतीत उपलब्ध होणार आहे. भारतीय बाजारपेठेत मारुती बलेनो आणि टाटा अल्ट्रोझ सारख्या कारशी स्पर्धा करण्यासाठी हुंडईने हे पाऊल उचलल्याचे मानले जात आहे.

हुंडईने आपल्या २०२६ i20 मॉडेलमध्ये 'Era' या बेस व्हेरिएंटची किंमत कमी केली आहे. विशेष म्हणजे किंमत कमी झाली असली तरी, कंपनीने कारच्या फीचर्समध्ये कोणतीही कपात केलेली नाही. बेस मॉडेलमध्येही तुम्हाला ६ एअरबॅग्स, डिजिटल इन्स्ट्रुमेंट क्लस्टर आणि टाइप-सी चार्जिंग पोर्ट यांसारखे फीचर्स मिळतील.

व्हेरिएंटनुसार नवीन किमती
१. Era (बेस मॉडेल): ५.९९ लाख रुपये. 
२. Magna Executive: ६.७४ लाख रुपये (याआधी ६.८७ लाख). 
३. Magna: ६.९९ लाख रुपये (याआधी ७.१२ लाख).

या कारमध्ये १.२-लीटर पेट्रोल इंजिन आहे, जे ८८ hp पॉवर आणि ११४ Nm टॉर्क जनरेट करते. सुरक्षेच्या दृष्टीने यात टायर प्रेशर मॉनिटरिंग सिस्टम (TPMS), ऑटोमॅटिक हेडलाइट्स आणि की-लेस एन्ट्री यांसारखे आधुनिक फीचर्स देण्यात आले आहेत. वरच्या मॉडेल्समध्ये इलेक्ट्रिक सनरूफ आणि LED DRLs ची गरज भागविण्यात आली आहे.