दोन्हीही चालक पथ्रोट परिसरातील, अंजनगाव हद्दीत अपघात
वनोजा बाग : अंजनगाव सुर्जीकडे जाणाऱ्या चारचाकी वाहनाने सोमवारी सकाळी ११ च्या सुमारास दुचाकीला धडक दिली. अपघातात दुचाकीवरील दोघे जखमी झाले आहेत. अपघात घडताच पथ्रोटचे ठाणेदार घटनास्थळी पोहोचले. मात्र, घटनास्थळ अंजनगाव सुर्जी हद्दीत येत असल्याने तेथील पोलीस ठाण्याने गुन्ह्याची नोंद केली.
चारचाकी वाहन (एम.एच. २७ ए.आर. ३८६५) चालक अरुण काळे (रा. पथ्रोट) याने दुचाकी (एम.एच. २७ सी.डी. ७४६२)घेऊन शेतात जाणाऱ्या मनोहर वानरे व आशिष शेंद्रे (दोन्ही रा. पथ्रोट) यांना उडविले. त्यांना परतवाडा येथे उपचारासाठी दाखल करण्यात आले. अपघाताची माहिती प्राप्त होताच पथ्रोटचे ठाणेदार नरेंद्र डंबाळे हे घटनास्थळी पोहोचले. मात्र, घटना अंजनगाव पोलीस ठाण्याच्या हद्दीत असल्याने तेथे सदर अपघाताची नोंद झाली. पोलीस निरीक्षक राजेश राठोड यांच्या मार्गदर्शनात पांढरी बीट जामदार संजय इंगळे पुढील तपास करीत आहेत.