नेमाणी गोडाऊनमध्ये पोलिसांचा कडेकोट बंदोबस्त

लोकसभा निवडणुकीच्या मतमोजणी दरम्यान शहरात शांतता व सुव्यवस्था अबाधित राखण्यासाठी मतमोजणी होणार असलेल्या नेमाणी गोडाऊन परिसरासह

अमरावती : लोकसभा निवडणुकीच्या मतमोजणी दरम्यान शहरात शांतता व सुव्यवस्था अबाधित राखण्यासाठी मतमोजणी होणार असलेल्या नेमाणी गोडाऊन परिसरासह शहरात ठिकठिकाणी ५00 पोलीस कर्मचारी-अधिकार्‍यांचा कडेकोट बंदोबस्त ठेवण्यात येणार आहे. नागरिकांना निवडणुकीच्या निकालाची उत्सुकता लागली आहे. १६ मे रोजी बडनेरा मार्गावरील नेमाणी गोडाऊन येथे मतमोजणी होईल. यासाठी शहरासह नेमाणी गोडाऊन परिसरात ५00 पोलीस कर्मचारी तैनात असतील. पोलीस आयुक्त सुरेश मेकला यांच्या मार्गदर्शनात नेमाणी गोडाऊन येथे दोन पोलीस उपायुक्त, दोन सहायक पोलीस आयुक्त, सात पोलीस निरीक्षक, १३ पोलीस उपनिरीक्षक, ४११ कर्मचारी, ४0 महिला कर्मचारी, सीआरपीएफ, राज्य राखीव पोलीस दलाच्या दोन तुकड्या व विजयी मिरवणुकीत १४ पोलीस निरीक्षक, ३७ उपनिरीक्षकांचा समावेश आहे, अशी माहिती पोलीस उपायुक्त सोमनाथ घार्गे यांनी दिली.

नेमाणी

मतमोजणीदरम्यान

गोडाऊनमध्ये मोबाईलला बंदी नेमाणी गोडावूनमध्ये दोन प्रवेशद्वार आहेत. यापैकी एका प्रवेशद्वारातून शासकीय कर्मचार्‍यांना पहाटे ५ वाजता व दुसर्‍या प्रवेश दारातून उमेदवार आणि त्यांच्या कार्यकर्त्यांना सकाळी ७ वाजता प्रवेश दिला जाईल. नेमाणी गोडाऊनमध्ये प्रवेश करणार्‍या प्रत्येक व्यक्तीची मेटल डीटेक्टरद्वारे तपासणी होईल. मोबाईल, माचिस, गुटखा, दारु, सिगारेट लायटरवरही बंदी घालण्यात आली आहे.

बडनेरा

मतमोजणी

मार्ग १0 तास बंद राहणार दरम्यान बडनेरा-अमरावती मार्गावरील नेमाणी गोडाऊनसमोर शेकडो नागरिकांची गर्दी होण्याची शक्यता नाकारता येऊ शकत नाही. वाहतुकीस अडथळा निर्माण होऊ नये म्हणून या मार्गावरील वाहतूक पहाटे ३ ते दुपारी १ वाजेपर्यंत बंद करण्यात येणार आहे. या मार्गावरील वाहतूक दुसर्‍या मार्गाने वळविण्यात येईल.