निष्काळजीपणाने वाहन चालविल्याप्रकरणी गुन्हा

अमरावती : ताब्यातील ट्रक भरधाव वेगाने व निष्काळजीपणाने चालविल्याप्रकरणी गुन्हा ट्रक चालकावर भातकुली पोलिसांनी गुन्हा नोंदविला. ही कारवाई भातकुली बसस्थानकावर मंगळवारी करण्यात आली. आरोपी सैय्यद अनवर सैय्यद जलील (५०, रा. बडनेरा) असे आरोपीचे नाव आहे.

----------------------------------

मिलचाळ येथे जुगार पकडला

अमरावती : बडनेरा पोलिसांनी येथील मिलचाळ परिसरात जुगार साहित्यासह ४३८५ रुपयांचा मुद्देमाल जप्त केला आहे. ही कारवाई मंगळवारी करण्यात आली. आरोपी प्रीतम देविदास सोनटक्के (५२, रा. मिलचाळ बडनेरा) विरुद्ध पोलिसांनी गुन्हा नोंदविला.

----------------------------------------------

चवरे नगरात जुगार पकडला

अमरावती : राजापेठ पोलिसांनी चवरेनगरात धाड टाकून आरोपीच्या ताब्यातून जुगार साहित्यासह ६१० रुपयांचा मुद्देमाल जप्त केला. ही कारवाई मंगळवारी करण्यात आली. आरोपी राष्ट्रपाल रमेश नाईक (३५, रा. चवरेनगर) विरुद्ध पोलिसांनी गुन्हा नोंदविला.

-------------------------------------

लुंबिनीनगरात अवैध दारू जप्त

अमरावती : फ्रेजरपुरा पोलिसांनी येथील लुंबिनीनगरात कारवाई करून ११,५२० रुपये किमतीची अवैध दारू जप्त केली. ही कारवाई मंगळवारी करण्यात आली. आरोपी बंटी सदाशिव शंभरकर (रा. लुंबिनीनगर)विरुद्ध पोलिसांनी गुन्हा नोंदविला.

----------------------------------------------

राजापेठ पोलिसांनी दारू पकडली

अमरावती : राजापेठ पोलिसांनी गोपाल टॉकीजमागे कारवाई करून ३७,४४० रुपयांची अवैध दारू सोमवारी जप्त केली. याप्रकरणी बुधवारी गुन्हा नोंदविला. आरोपी अखिल जयंतीलाल अडतिया(३८), गोलू संजय पटेल (२६, रा. विलासनगर) याच्याविरुद्ध गुन्हा नोंदविला.

-----------------------------

सातुर्णा चौकातून अवैध दारू जप्तअमरावती : राजापेठ पोलिसांनी सातुर्णा चौकात कारवाई करून अवैध दारू व एक कार असा एकूण १ लाख ७९ हजार २२० रुपयांचा मुद्देमाल जप्त केला. ही कारवाई सोमवारी करण्यात आली. आरोपी चैतन्य अनिल जयस्वाल (४०, रा. साई कृपा कॉलनी) विरुद्ध गुन्हा नोंदविला.

------------------------------------------

नवाथे चौकात दारू जप्त

अमरावती : राजापेठ पोलिसांनी सोमवारी नवाथे चौकात कारवाई करून १,३२० रुपयांची अवैध दारू जप्त केली. आरोपी अजीजत रामेश्वर सैन्नी (३४, रा. महेश्वरी भवन अमरावती), असे आरोपीचे नाव आहे. सदर आरोपी वाहनावर दारूची वाहतूक करीत असताना मिळून आला.