बडनेरा : नवी वस्तीतील अशोकनगर येथे डॉ. बाबासाहेब आंबेडकर पुतळ्याजवळ १५ फेब्रुवारी रोजी अनोळखी ६५ वर्षीय महिलेचा मृतदेह आढळून आला. ती तीन महिन्यांपासून परिसरात भीक मागून जगत होती. भुकेने व्याकूळ होऊन तिचा मृत्यू झाला असावा, असा अंदाज बडनेरा पोलिसांनी व्यक्त केला. या घटनेची नोंद बडनेरा पोलीस ठाण्यात करण्यात आली.
--------
चांदूर बाजार-परतवाडा मार्गावर इसमाचा मृत्यू
बेलोरा (अमरावती) : चांदूर बाजार ते परतवाडा मार्गावर शेतात सोकारी करण्यास जाणारे घनश्याम उद्धवराव बोकडे (४५) यांना एमएच २७ एव्ही ९८१७ क्रमांकाच्या दुचाकीने धडक दिली. १४ फेब्रुवारी रोजी रात्री १० वाजता झालेल्या अपघातात त्यांचा मृत्यू झाला. चांदूर बाजार पोलिसांनी अशोक बोकडे (६०, रा शिरजगाव बंड) यांच्या तक्रारीवरून चालक नीलेश विष्णूपंत गतफने (रा. रिद्धपूर) याच्याविरुद्ध भादंविचे कलम २७९, ३०४ अ अन्वये गुन्हा दाखल केला.
-------
कळमगाव येथे रोडरोमिओकडून मारहाण
चांदूर रेल्वे (अमरावती) : तालुक्यातील कळमगाव येथे शाळकरी मुलीची छेड काढणा०या भामट्याने जाब विचारणार्या आजीला शिवीगाळ केली. मध्यस्थी करणार्या मुलीच्या पित्याला विळ्याने जखमी केले. याप्रकरणी चांदूर रेल्वे पोलिसांनी भादंविचे कलम ३२६, ५०४. ५०६ अन्वये सेनू ऊर्फ अमर दिलीप बनसोड याच्याविरुद्ध रविवारी गुन्हा नोंदविला.