महानगर शिवसेनेचा उपक्रम : बाळासाहेब ठाकरे यांची जयंती
अमरावती : हिंदुहदयसम्राट शिवसेनाप्रमुख बाळासाहेब ठाकरे यांच्या जयंतीचे औचित्य साधून २३ जानेवारी रोजी सकाळी १० वाजता शिवसेना महानगरप्रमुख पराग गुडधे यांच्या नेतृत्वात हिंदुत्व रॅलीचे आयोजन करण्यात आले होते. नेहरू मैदान येथून प्रारंभ झालेल्या रॅलीने शहराच्या विविध भागांत पोहोचून शहरवासीयांचे लक्ष वेधून घेतले. यावेळी रॅलीत दुचाकीवर स्वार शिवसैनिकांनी भगवे फेटे, हातात भगवे झेंडे घेऊन बाळासाहेब ठाकरे यांच्या जयजयकाराच्या घोषणा देत शहर दणाणून सोडले.
विशेष म्हणजे, महिला शिवसैनिकांनी भगवे वस्त्र परिधान करून, फेटे बांधून हिंदुत्व रॅलीत लक्षणीय सहभाग घेतला होता. रॅलीचा समारोप साईनगर येथील साईमंदिर परिसरात करण्यात आला. यावेळी माजी खासदार आनंदराव अडसूळ, अनंत गुढे, माजी आमदार अभिजित अडसूळ, ज्ञानेश्वर धाने पाटील, महानगरप्रमुख पराग गुडधे, शिवसेना जिल्हाप्रमुख राजेश वानखडे, दिनेश बूब, सुनील खराटे, सहसंपर्कप्रमुख प्रशांत वानखडे, नाना नागमोते, महिला आघाडीप्रमुख मनीषा टेंभरे, वर्षा भोयर, स्वाती निस्ताने, जयश्री कुरेकर, अर्चना धामणे, नीलिमा चावके, सारिका जयस्वाल, नितीन हटवार, पंजाबराव तायवाडे, नरेंद्र निर्मळ, दिगबंर मानकर, सुनील राऊत, प्रवीण अडसपुरे, गोपाल राणे, मुन्ना शर्मा, बाळा सावरकर, मोहन क्षीरसागर, विकास शेळके, कैलास अवघड यांच्यासह मोठ्या संख्येने शिवसैनिक सहभागी झाले होते.