अमरावती : विवाहितेला मानसिक व शारीरिक त्रास देत पतीने फोन करून तीन वेळा तलाक - तलाक म्हणून सोडचिठ्ठी दिल्याची धक्कादायक घटना शकमल दरगा वाॅर्ड मानवटकर हॉस्पिटलजवळ चंद्रपूर येथे २६ सप्टेंबर ते २२ मार्च २०२१ दरम्यान घडली. याप्रकरणी तीन आरोपींविरुद्ध १ एप्रिल रोेजी गुन्हा नोंदविला.
पोलीससूत्रानुसार, अमीन खान इफ्तेखार खान, इफ्तेखार खान सरदार खान, अंजुम खान इफ्तेखार खान तिन्ही रा. शकमल दरगा वाॅर्ड मानवटकर हॉस्पिटजवळ चंद्रपूर) असे आरोपीचे नाव आहे. फिर्यादी जाकीर कॉलनीतील रहिवासी ३२ वर्षीय महिलेच्या तक्रारीवरून आरोपपीरुद्ध भादंविचे कलम ४९८(अ),४०६, ३२८, ३४ सहकलम ४ मुस्लिम महिलांच्या हिताचा कायदानुसार गुन्हा नोंदविला. सदर महिलेला हुंड्यात लग्नात मिळालेले साहित्य गहाळ केले. तसेच तिला पैशाची मागणी करून मानिसक शारीरिक त्रास दिला. आरोपी एवढ्यावरच थांबले नाही तर डॉक्टरांच्या प्रिस्क्रीप्शनशिवाय गोळ्या देऊन तिच्या आरोग्याला इजा होईल, असे कृत्य केले. त्या गोळ्या फिर्यादीने डॉक्टर साहिल बारी यांना दाखविल्या असता, त्यांनी तिला सर्टिफिकेट दिले की, सदर औषधी गोळ्यांमुळे तिचे मोठे शारीरिक नुकसान होऊ शकते. डॉक्टरच्या सर्टिफिकेटवरून तिने पोलिसांत धाव घेतल्याचे तक्रारीत नमूद आहे.