अमरावती : येथील विभागीय संदर्भ सेवा रुग्णालय (सुपर स्पेशालिटी) येथे दर महिन्याला किडनी प्रत्यारोपण शस्त्रक्रिया होत होत्या. मध्येच कोरोना विषाणूचा शिरकाव झाला नि ती प्रक्रिया थांबली. त्यामुळे गरजूंना डायलिसीसच्या आधारे जगावे लागत आहे. गतवर्षी केवळ तीन शस्त्रक्रिया होऊ शकल्या.
किडनीच्या रुग्णांवर कोरोनाचा प्रादुर्भाव शिघ्र गतीने होणार असल्याने वरिष्ठ स्तरावरूनच किडनी प्रत्यारोपणाच्या शस्त्रक्रिया थांबविण्याचे आदेश देण्यात आले होते. दरम्यान येथील सुपर स्पेशालिटीत जानेवारी २०२० मध्ये एक किडनी प्रत्यारोपण करण्यात आले. त्यानंतर फेब्रुवारीत एक आणि ७ मार्च रोजी एका रुग्णावर ही शस्त्रक्रिया यशस्वीरीत्या पार पडली. मात्र, कोरोना विषाणूचा प्रसार वाढताच २४ मार्चपासून देशभरात लॉकडाऊन जाहीर करण्यात आले. एका रुग्णावर २८ मार्च २०२० रोजी किडनी प्रत्यारोपणाची शस्त्रक्रिया होणार होती. त्यासंबंधीच्या सर्व प्रक्रिया पूर्ण केल्या होत्या. परंतु, आदेशानुसार होऊ घातलेली शस्त्रक्रिया थांबवावी लागली. परंतु, सदर रुग्णावर वेळोवेळी योग्य औषधोपचार करण्यात आल्याने त्या रुग्णाला वाचवण्यात यश आल्याची माहिती डॉ. कल्पना भागवत यांनी दिली.
बॉक्स
कोरोनानेही घेरले होते
बडनेरा येथील ३० वर्षीय इरफान खान यांच्यावर नियोजित केलेली शस्त्रक्रिया कोरोनाचा प्रादुर्भाव रोखण्याकरिता थांबविली खरी, मात्र दरम्यानच कोरोनाचे त्यांच्यावर अटॅक केला. त्यावरही औषधोपचाराने मात करून मृत्यूच्या दाढेतून ते बाहेर आले. आता काही महिन्यांतच किडनी प्रत्यारोपणाची शस्त्रक्रिया सुरू होणार असून, प्रथम त्यांचीच शस्त्रक्रिया केली जाईल, असे तेथील तज्ज्ञ डॉक्टरांनी सांगितले.
यवतमाळहून होतेय क्लिअरन्स
रुग्णाला किडनी प्रत्यारोपणाची प्रक्रिया करताना आधी यवतमाळ येथील शासकीय मेडिकल कॉलेजच्या राज्य प्राधिकार समिती (स्टेट ऑथोरायझेशन कमिटी)ला रुग्णाच्या संपूर्ण तपासणी अहवालाची माहिती व किडनी दान करणाऱ्यांच्याची आरोग्याविषयी इत्थंभूत माहितीची फाईल पाठविली जाते. त्यावर समिती शहानिशा करून शस्त्रक्रियेबाबत सूचना देते. साधारणत: महिन्यातून एक फाईल येथून पाठविली जायची. मात्र ११ महिन्यांच्या काळात एक फाईल १ जानेवारी २०२१ रोजी पाठविली असून, चार रुग्ण वेटिंग असल्याची माहिती डॉ. भागवत यांनी दिली.
नागपूर ट्रान्सल्पांट सर्जनची उपलब्धी
किडनी प्रत्यारोपणाकरिता नागपूरहून सर्जन बोलावले जाते. येथील युरो सर्जन म्हणून राहुल पोटोडे, विक्रम देशमुख, विशाल बाहेकर, राहुल घुले या डॉक्टरांसह अन्य कर्मचाऱ्यांचे सहकार्य असते.
कोट
कोरोनामुळे सर्वच शस्त्रक्रिया थांबविल्या होत्या. परंतु, आता डोळ्यापासून तर सर्वच शस्त्रक्रिया सुरू केल्या आहेत. त्यातच किडनी प्रत्यारोपण अतिशय चिंतेचा विषय आहे. परंत, फेब्रुवारीमध्ये तीदेखील सुरू
केली जाईल.- श्यामसुंदर निकम,
जिल्हा शल्य चिकित्सक
२८ मार्च २०२० रोजी एका रुग्णावर किडनी प्रत्यारोपण शस्त्रक्रिया होणार होती. मात्र येथे किडनी प्रत्यारोपणाची प्रक्रिया कोरोना काळात थांबल्याविण्यात आली आहे. पुन्हा सुरू करण्यासंदर्भात १८ जानेवारी रोजी बैठक पार पडली. यानुसार