मोर्शी : तालुक्यातील पिंपळखुटा लहान येथील नामदेव फकीरजी टिपरे यांच्या निधनानंतर त्यांच्या तेरवीची रक्कम जाधव कुणबी विद्यार्थी वसतिगृहाला देण्यात आली. वरूड येथे गोरगरिबांच्या मुलांसाठी हे वसितगृह उभारण्यात येत आहे. याप्रसंगी गणेश टिपरे, ईश्वर टिपरे, हरिनारायण टिपरे, सुरेंद्र टिपरे आदी उपस्थित होते.
-----------
शेंदोळा खुर्द येथे युवकाला मारहाण
शेंदोळा खुर्द : गावातील दिलीप प्रकाश जाधव (२८) यांना नीलेश साव (३०), सचिन सुरेश साव (२४), रीतेश सुरेश साव (२८) नितीन सुरेश साव (२८) यांनी मारहाण केली. नीलेश साव हा रात्री दार ठोठावतो. त्याला समजविण्यासाठी गेलो असता, मारहाण करण्यात आली, अशी तक्रार तिवसा पोलिसांत दाखल करण्यात आली. तिवसा पोलिसांनी २३ फेब्रुवारीला गुन्हा नोंदविला.
---------
माहेरहून पैसे आणण्यासाठी विवाहितेचा छळ
गुरुकुंज मोझरी : माहेरहून पैसे आणण्यासाठी नागपुरातील सीतानगर येथील सासरी ३२ वर्षीय विवाहितेचा छळ करण्यात आला. तिवसा पोलिसांनी भादंविचे कलम ४९८ अ, ३४ अन्वये प्रीतम मनोहर लांजेवार, सुमीत मनोहर लांजेवार व दोन महिलांविरुद्ध गुन्हा नोंदविला.
----------
बैरागड येथे महिलेला पतीची मारहाण
धारणी : तालुक्यातील बैरागड येथे काळमीबाई शेलुकर (४५) यांना पती बिसराम शेलुकर याने २३ फेब्रुवारी रोजी काठीने जबर मारहाण केली. त्याने मद्यपान केले होते. याप्रकरणी धारणी पोलिसांनी भादंविचे कलम ३२४, ५०४, ५०६ अन्वये गुन्हा दाखल केला.
----------
क्रिकेटच्या मैदानावर बॅटने मारहाण
अचलपूर : येथील चौधरी मैदानात क्रिकेटचा सामना पाहण्यासाठी गेलेल्या वजाहत अली जामीन अली (रा. फरमानपुरा) या युवकाला तहजीम बिस्मिल्ला याने बाजूला हो असे म्हणत दगड मारला. नाजीम बिस्मिल्ला (दोन्ही रा. किल्ला) याने बॅटने मारून जखमी केले. अचलपूर पोलिसांनी मंगळवारी गुन्हा दाखल केला.
---------
नांदगाव पंचायत समितीमधून दुचाकी लंपास
नांदगाव खंडेश्वर : स्थानिक कृषिउत्पन्न बाजार समितीत नोकरीला असलेले लक्ष्मण कोंडिबा खांडरे (३७, रा. विकासनगर, नेर) यांची एमएच २९ एबी ७५५१ क्रमांकाची दुचाकी पंचायत समितीच्या आवारातून लंपास करण्यात आली. नांदगाव खंडेश्वर पोलिसांनी अज्ञात आरोपीविरुद्ध गुन्हा दाखल केला आहे.
--------
शिंगणापूर येथे मुलाची आईला मारहाण
दर्यापूर : तालुक्यातील शिंगणापूर येथे मद्याधीन मुलाने आईला लाकडी काठीने जबर मारहाण केली. रवि गणेश इंगळे (२२) नामक मुलाने घरात साठवलेली सात-आठ किलो तूर विकली व त्यातून मद्यपान केले. यातून वाद झाला. खोलापूर पोलिसांनी गुन्हा दाखल केला.
-----------
बोराळा फाटा येथे दुचाकीस्वाराला धडक
खल्लार : नजीकच्या बोराळा फाटा येथे एमएच २७ बीई ६३३९ क्रमांकाच्या दुचाकीने सुधीर दत्तुसा गढवाले (४०, रा. उंबर्डा बाजार, ता. कारंजा लाड) यांच्या दुचाकीस्वार पुतण्याला धडक दिली. २० फेब्रुवारी रोजी ही घटना घडली. त्यावरून खल्लार पोलिसांनी सुभाष मिश्रा (रा. अमरावती) याच्याविरुद्ध गुन्हा नोंदविला.
------