अमरावती : माध्यमिक व उच्च माध्यमिक शिक्षण मंडळ इयत्ता दहावी परीक्षेचा निकाल शुक्रवार दि.८ मे रोजी जाहिर करण्यात आला आहे. यामध्ये अमरावती विभागाचा निकाल ९०.५० टक्के लागला आहे. राज्यात यंदा अमरावती विभाग सहाव्या स्थानी राहिला आहे. तर उत्तीर्णतेच्या टक्केवारीत अमरावती विभागातून बुलढाणा जिल्हा अव्वल स्थानी आहे. गेल्या वर्षी अमरावती विभागाचा निकाल ९२. ९५ टक्के लागला होता. यंदा २.४५ टक्क्याने निकाल घटला आहे.
विभागातील टक्केवारीत विभागात बुलढाणा जिल्ह्याने अव्वल स्थान मिळवले असून या जिल्ह्याचा निकाल ९३.९५ टक्के लागला आहे. अकोला ९०.७४, अमरावती ९०.०६, यवतमाळ ८८.३८ टक्के तर वाशिम जिल्ह्याचा ८८.०४ टक्के इतका लागला आहे. दहावीच्या परीक्षेसाठी अमरावती विभागातून एकूण १ लाख ६१ हजार ७१९ विद्यार्थ्यांनी नोंदणी केली होती. प्रत्यक्षात १ लाख ६० हजार ३७ विद्यार्थ्यांनी परीक्षा दिली. यात एकूण १ लाख ४४ हजार ८३५ विद्यार्थी उत्तीर्ण झाले. उत्तीर्णतेची एटक्केवारी ९०.९५ टक्के इतकी आहे. गतवर्षीच्या तुलनेत यंदा निकालाची टक्केवारी घसरली आहे. राज्यात अमरावती विभाग हा सहाव्या क्रमांकावर राहिला आहे. गतवर्षी देखील अमरावती विभाग सहाव्या स्थानी होता.
विभागात यंदाही मुलींचीच बाजी
दरवर्षीप्रमाणे यंदाही दहावीच्या निकालात अमरावती विभागातून मुलींनी बाजी मारली आहे. विभागातून एकूण ७४ हजार ६६८ मुलींनी परीक्षा दिली. त्यापैकी ७० हजार २५७ मुली उत्तीर्ण झाल्या असून निकालाची टक्केवारी ही ९४.०९ टक्के इतकी आहे. विभागातून ८५ हजार ३६९ मुलांनी परीक्षा दिली. त्यापैकी ७४ हजार ५७८ उत्तीर्ण झाले असून टक्केवारी ही ८७.३५ टक्के इतकी आहे.
Web Summary : Amravati division's 10th grade result is 90.50%, placing it sixth statewide. Buldhana district leads the division with 93.95%. Girls outperformed boys, achieving a 94.09% pass rate compared to boys' 87.35%. Overall pass percentage decreased by 2.45% compared to last year.
Web Summary : अमरावती विभाग का 10वीं कक्षा का परिणाम 90.50% रहा, जो राज्य में छठे स्थान पर है। बुलढाणा जिला 93.95% के साथ विभाग में सबसे ऊपर है। लड़कियों ने लड़कों से बेहतर प्रदर्शन किया, लड़कियों का पास प्रतिशत 94.09% रहा जबकि लड़कों का 87.35%। पिछले वर्ष की तुलना में कुल उत्तीर्ण प्रतिशत में 2.45% की कमी आई।