सार्वजनिक ग्रंथालयांना आता दहा वर्षातून एकदाच पुरस्कार

नवीन अटी व शर्तींंमध्ये किमान ५0 टक्के गुण प्राप्त करणारे ग्रंथालयेच ठरणार पात्र.

कारंजा (वाशिम) : ग्रंथालय क्षेत्रातील उल्लेखनीय कामगिरीसाठी शासनाकडून देण्यात येणार्‍या सार्वजनिक उत्कृष्ट ग्रंथालय पुरस्कार तसेच उत्कृष्ट ग्रंथालय सेवक पुरस्काराच्या अटी व शर्तींमध्ये बदल करण्यात आले असून, आता या अटीनुसार ५0 टक्के गुण प्राप्त करणारे ग्रंथालय आणि ग्रंथालय कार्यकर्ते तथा सेवक या पुरस्कारासाठी पात्र ठरणार आहेत. याशिवाय हा पुरस्कार पटकावणार्‍यांना पुढील दहा वर्षे पुरस्कार देण्यात येणार नाही. उच्च व तंत्रशिक्षण विभागाने गुरुवारीच यासंदर्भात निर्णय घेतला. ग्रंथालय चळवळीत उत्कृष्ट कामगिरी करणार्‍या ग्रंथालयांना डॉ. बाबासाहेब आंबेडकर सवरेत्कृष्ट ग्रंथालय पुरस्कार, तर उत्कृष्ट कामगिरी करणारे कार्यकर्ते व ग्रंथालय सेवकांना डॉ. एस. आर. रंगनाथन उत्कृष्ट कार्यकर्ता व सेवक ग्रंथमित्र पुरस्कार शासनाकडून देण्यात येतो. यासंदर्भातील पूर्वीचे शासन निर्णय अधिक्रमित करून पुरस्काराबाबत सुधारित अटी, निकष निवड प्रक्रिया आणि कार्यपद्धती निश्‍चित करण्यात आली आहे. पुरस्काराबाबतच्या अटी व गुणवत्तेच्या निकषांची पूर्तता करणार्‍या, तसेच किमान ५0 टक्के गुण प्राप्त करणारे ग्रंथालय कार्यकर्ता व सेवक यांनाच पुरस्कारासाठी पात्र पाठविण्यात येणार आहे. एखाद्या वर्षी प्राथमिक अटी व निकषांची पूर्तता होत नसल्यास, तसेच ज्या पुरस्कारामध्ये कि मान ५0 टक्के गुण प्राप्त करणारे ग्रंथालय कार्यकर्ता व सेवक नसेल त्यावर्षी तो पुरस्कार दिला जाणार नाही. याशिवाय ग्रंथालयास एकदा डॉ. बाबासाहेब आंबेडकर उत्कृष्ट सार्वजनिक ग्रंथालय पुरस्कार मिळाल्यानंतर किंवा ग्रंथालय सेवक तथा कार्यकर्त्यास डॉ. एस. आर. रंगनाथन उत्कृष्ट कार्यकर्ता आणि सेवक ग्रंथमित्र पुरस्कार मिळाल्यानंतर या पुरस्कारासाठी पुढील दहा वर्षे अर्ज करता येणार नाही. प्राथमिक अटीचा भंग झाल्यास पुरस्कार व त्याअनुषंगिक सोयी, सुविधा परत घेऊन संबंधितावर कारवाई करण्याचा निर्णयही उच्च व तंत्रशिक्षण विभागाने २७ ऑगस्ट रोजी घेतला.