सलाइनच्या नळीने आवळला गळा
सर्वोपचार रुग्णालयातील वॉर्ड क्रमांक १० मध्ये दाखल कर्करोगाने ग्रस्त रुग्णाने शनिवारी दुपारच्या सुमारास अंगावर चादर घेऊन सालाइनच्या नळीने गळ्याला फास लावून आत्महत्या केल्याची माहिती सर्वोपचार रुग्णालय प्रशासनातर्फे देण्यात आली.
वर्षभरापूर्वी कोविड रुग्णाने केली होती आत्महत्या
वर्षभरापूर्वी एप्रिल महिन्यातच कोरोनाचा जिल्ह्यात शिरकाव झाला होता. याच दरम्यान एप्रिलच्या दुसऱ्या आठवड्यात एका कोविड रुग्णाने सर्वोपचार रुग्णालयात आत्महत्या केल्याची धक्कादायक घटना घडली होती. या घटनेला एक वर्ष होत नाही, तोच शनिवारी आणखी एका रुग्णाने आत्महत्या केल्याची धक्कादायक घटना समोर आली.
आत्महत्या केलेला रुग्ण हा पातूर तालुक्यातील रहिवासी असून तो अन्ननलिकेच्या कर्करोगाने ग्रस्त होता. गत तीन दिवसांपासून त्यांच्यावर सर्वोपचार रुग्णालयात उपचार सुरू होते. रुग्णाचे जेवण बंद असून ते केवळ सलाइनवर हाेते. शनिवारी त्यांनी अंगावर चादर घेऊन सलाइनच्या नळीने गळा आवळून आत्महत्या केल्याचा प्रकार समोर आला आहे.
- डॉ. मीनाक्षी गजभिये, अधिष्ठाता, शासकीय वैद्यकीय महाविद्यालय, अकोला