गोयनका, रुंगटाच्या जामीन अर्जावर आज सुनावणी

भारतीय सेवा सदनमधील युवकाचे लैंगिक छळ प्रकरण.

अकोला : वसतिगृहामध्ये नोकरी देण्याचे आमिष दाखवून युवकाचा लैंगिक छळ करणारे भारतीय सेवा सदन या शिक्षण संस्थेचे माजी अध्यक्ष नीरंजनकुमार गोयनका व माजी सचिव जुगलकिशोर रुंगटा यांच्या जामीन अर्जावर बुधवार १५ जुलै रोजी सुनावणी होणार आहे. जुगलकिशोर रुंगटा व निरंजनकुमार गोयनका यांनी एका २९ वर्षीय युवकाला संस्थेमध्ये कायमस्वरूपी सामावून घेण्याचे आमिष दाखवून त्याच्यासोबत २00८ पासून सतत अनैसर्गिक कृत्य केले. या प्रकाराचा पर्दाफाश सदर युवकाने एका पत्रकार परिषदेत केला असून, त्यानंतर सिव्हिल लाइन्स पोलीस ठाण्यात या दोघांविरुद्ध गुन्हा दा खल करण्यात आला आहे. गुन्हा दाखल झाल्यापासून गोयनका व रुंगटा दोघेही फरार असून, पोलीस त्यांचा शोध घेत आहेत. दरम्यान, या दोघांनीही अटकपूर्व जामिनासाठी न्यायालयामध्ये अर्ज सादर केला असून, त्यांच्या या जामीन अर्जावर बुधवार १५ जुलै रोजी सुनावणी होण्याची शक्यता आहे. गोयनका व रुंगटा या दोघांनी सदर युवकावर २00८ ते २0१५ या आठ वर्षात वारंवार अनैसर्गिक अत्याचार केला; मात्र सदर युवकाला नोकरीत सामावून घेतले नाही.