पालिकेतून गेल्या काही वर्षांमध्ये सेवानिवृत्त होऊनही कर्मचाऱ्यांचे थकीत पैसे मिळालेले नाहीत. त्यामध्ये सातव्या वेतन आयोगानुसार उपदान फरक, रजा वेतन, निवृत्तीवेतन, पदोन्नतीचे उपदान, रजा या फरकाच्या थकीत रकमांचा समावेश आहे. कर्मचाऱ्यांना दोन महिने उशिराने सातवा वेतन आयोग लागू करण्यात आला होता. त्यामुळे त्यातील दोन महिन्यांचा फरक देण्यात यावा, अशी मागणी निवेदनातून करण्यात आली आहे.
राज्यातील बहुतांशी नगरपालिकांनी सेवानिवृत्त कर्मचाऱ्यांचे हे पैसे अदा केले आहेत. त्याचबरोबर सर्वोच्च न्यायालयाने कर्मचाऱ्यांचे देय असलेले सर्व पैसे थकीत ठेवू नयेत, असे आदेश पारित केले आहेत. थकीत रकमा व्याजासह अदा करण्याचे आदेश आहेत. मात्र, तरीही सेवानिवृत्त कर्मचाऱ्यांवर आंदोलन करण्याची वेळ आल्याचे निवेदनात म्हटले आहे.
या निवेदनावर यशवंत देवधर, प्रभाकर शिंदे, अशोक प्रधान, ज्ञानेश्वर चव्हाण, आंद्रेस थोरात, अंकुश प्रधान, भानुदास जाधव, आनंदा गायकवाड, लक्ष्मण जोगदंड, नाना शेळके, अशोक गायकवाड, श्रीपाद बिल्दीकर, अनिल काजळे, रंगनाथ झरेकर, भानुदास थोरात आदींच्या सह्या आहेत.
--------