जीर्णोद्धारात विस्थापित झालेल्या मूर्तींची पुन्हा स्थापना करावी

यावेळी माजी नगराध्यक्ष कैलास कोते, कमलाकर कोते, अभय शेळके, सुधाकर शिंदे, रमेश गोंदकर, महेंद्र शेळके, उपनगराध्यक्ष सचिन कोते, सुजीत गोंदकर, विजय जगताप, नितीन कोते, ज्ञानेश्वर गोंदकर, साई निर्माणचे विजय कोते, निलेश कोते, किशोर गंगवाल, ताराचंद कोते, राजेंद्र कोते, संदीप पारख, अजित पारख, सचिन पाराजी कोते, मंगेश त्रिभुवन आदींची यावेळी उपस्थिती होती.

माहिती अधिकार कायद्याचा दुरूपयोग करून साई संस्थान आणी शिर्डीच्या विकासाला खीळ घालणाऱ्या तथाकथित माहिती अधिकार कार्यकर्त्यांचा निषेध करून त्यांना आवर घालण्याची आवश्यकता यावेळी व्यक्त करण्यात आली. साईबाबांच्या नावाचा व संस्थानच्या नावाशी साम्य असलेल्या नावाचा ट्रस्ट स्थापन करून देणग्या गोळा करणाऱ्यांचा तातडीने बंदोबस्त करण्याची मागणीही बैठकीत करण्यात आली.

कोरोनामुळे साईबाबा मंदिर बंद असल्याने शिर्डीच्या अर्थकारणावर विपरित परिणाम झालेला आहे. सद्यस्थितीत कोरोनाचे रूग्णसंख्या अतिशय कमी झाल्याने सरकारने शिर्डी अनलॉक केले आहे. मात्र साईबाबा मंदिर भाविकांसाठी बंद असल्याने या अनलॉकचा व्यावसायिकांना कोणताही फायदा होणार नाही. त्यामुळे सरकारने भाविकांसाठी साई मंदिर दर्शनासाठी खुले लवकरात लवकर खुले करावे अशी आग्रही मागणी या बैठकीत ग्रामस्थांनी केली.