मेहता कन्या विद्यालयात गुणगौरव

कोपरगाव : शहरातील डॉ. सी. एम. मेहता कन्या विद्यालयाने नुकत्याच जाहीर झालेल्या एनएमएमएस परीक्षा निकालात यश मिळवत विद्यालयाच्या अकरा विद्यार्थिनी शिष्यवृत्तीस पात्र झाल्या आहेत. स्वामिनी आवारे, प्राची शिंदे, साची कापसे, मयुरी पगार, पूर्वा दवंगे, तनिष्का पवार, अनुष्का पवार, विद्या दुपारगुडे, प्राची शर्मा, भाग्यश्री मोहिते व वैष्णवी सवंत्सरकर या विद्यार्थिनींचा मंगळवारी (दि. २४) विद्यालयाच्यावतीने शालेय साहित्य देऊन सत्कार करण्यात आला. याप्रसंगी शिक्षक - पालक संघाचे उपाध्यक्ष युसूफ रंगरेज यांनी यशस्वी विद्यार्थिनींना कंपास पेटी व परीक्षा पॅड बक्षीस म्हणून दिले. कार्यक्रमाला विद्यालयाच्या प्राचार्या मंजुषा सुरवसे, शंकर दुपारगुडे, लक्ष्मण दुपारगुडे, उपमुख्याध्यापक अशोक पठारे, पर्यवेक्षक अरुण गोऱ्हे, भास्कर काजळे व पालक उपस्थित होते. प्राचार्या मंजुषा सुरवसे, नितीन निकम, दीपक भोये, रेखा पवार, सुनीता वाबळे, वेणुगोपाल आकलोड यांचे मार्गदर्शन लाभले. कार्यक्रमाचे सूत्रसंचालन विद्यालयाचे उपशिक्षक किरण चांदगुडे यांनी केले. विद्यालयाचे पर्यवेक्षक भास्कर काजळे यांनी आभार मानले.